Governu Nomeia Florentino Ferreira Ba Prezidenze ANPM

husi -78 views

Timor Post (29/07/2020)- Governu liu hosi konsellu ministru kuarta (29/07) iha palasiu governu nomeia Florentino Mateus Soares Ferreira ba prezidente (ANPM).

“Governu aprova nomeasaun ba Florentino Mateus Soares Ferreira ba kargu nu’udar prezidente konsellu diretivu ba autoridade nasional petroliu no minerais (ANPM)” dehan Prezidensial Konsellu Ministru Fidelis Leite Magalhães ba Jornalista sira iha Palasiu Governu, kuarta (29/07).

Nia sublina, governu halo nomeasaun ba Florentino Mateus Soares Ferreira ba prezidente (ANPM) ne’e ba mandatu durante tinan haat.

Governante ne’e deklara, ANPM aktua hanesan instituisaun reguladira ba setor sira no industria petroliu no rekursu mineral.

Jornalista: Jaime Pires