Governu Mantein SS Iha Dili no Baukau

by -48 views
Foto Konsellu Ministru

Reporter Jerimias Soares / Editor Marcos Fernandes

DILI (Timor Pot)– Liuhosi Sorumutu Estraordináriu Konsellu Ministru nian iha loron 30 fulan Juñu, aprova projetu rezolusaun Governu nian ne’ebé mantein Serka Sanitária (SS) ba iha munisípiu Dili no Baukau.

Konsellu Ministru hala’o sorumutuk iha Palásiu Governu, hafoin análiza ba aprezentasaun kona-ba pontu sitasaun epidemiolojia iha munisípiu Dili no Baukau, hosi Sala Situasaun no Sentru Integradu Jestaun Krize, delibera hodi aprova projetu sira Rezolusaun Governu nian hodi mantein serka sanitária hahú hosi tuku 23:59 hosi loron 1 fulan-Jullu 2021.

“Aban, iha sorumutuk ordinária Konsellu Ministrus nian, sei analiza filafali posibilidade kontinuidade impozisaun serka sanitária iha munisípiu rua ne’e”, Sita iha komunikadu ne’ebé jornalista sira asesu.

Nune’e, bandu nafatin sirkulasaun ema sira-nian entre munisípiu Dili ba Baukau no Baukau mai Dili sirkunskrisaun administrativa sira-seluk, hanesan iha kazu hirak ne’ebé ninia fundamentu forte, tanba razaun sira seguransa públika, saúde públika, asisténsia umanitária, manutensaun sistema abastesimentu públiku ka razaun seluk ne’ebé presiza atu hala’o ba interese públiku nian.

Sidadaun ne’ebé kumpre vasinasaun kompleta (doze daruak) kontra COVID-19  la inklui iha proibisaun ida-ne’e no mós labarik ho idade tinan 6 mai kraik ne’ebé akompaña.(Lee Notisia Seluk Iha Jornal Diariu Timor Post)

 

 

No More Posts Available.

No more pages to load.