Governu Mantein Serka Dili, Ermera Konfinamentu Obrigatóriu

by -469 views
Fidelis Manuel Leite Magalhães

Jornalista Jaime Pires / Editór Noémio Falcão

DILI (Timor Post)—Governu liuhusi reuniaun Konsellu Ministru (KM) deside kontinua mantein serka sanitária iha Munisípiu Dili no konfinamentu obrigatóriu iha Munisípiu Ermera. Desizaun ne’e foti bazeia ba númeru infetadu COVID-19 ho variante Delta iha fatin rua ne’e.

Ministru Prezidénsia Konsellu Ministru, Fidelis Manuel Leite Magalhães ba jornalista sira hafoin reuniaun iha Palásiu Governu, Kuarta (11/08/2021).

Nia haktuir, Konsellu Ministru rona aprezentasaun pontu situasaun  epidemilojika ne’ebé aprezenta husi sala situasaun no Sentru Integradu Jestaun Krize (SIJK).

“Mantein impozisaun serka sanitária iha Munisípiu Dili no Munisípiu Ermera, ne’ebé mak sei kontinua  oras 23:59  to’o loron 26/08,” Fidelis subliña liuhusi konferénsia imprensa iha Palásiu Governu.

Porta-Voz Governu ne’e hatutan, governu kontinua serka sanitária no konfinamentu komisiliáriu jerál iha Ermera tanba konsidera virus Covid-19 no Variante foun Delta da’et iha postu rua iha Ermera, entaun KM tenke hola duni medidada ida ne’e hodi komunidade iha postu Ermera no Railako labele sai hodi da’et tan ba iha timor laran tomak. (Lee notísia seluk iha Jornal Timor Post)

No More Posts Available.

No more pages to load.