Governu Korea Tulun U$100,000.00

by -111 views
Embaixador Korea, Kim Jeong ho Direitor KOICA, Cha Eunju entrega ajudu husi Governu Korea no povu Koreanu iha Timor-Leste ba Secreatriu Estadu Protesaun Sivil, Joaquim Martins, iha edificiu SEPS, Caicoli, Kuarta (14/Abril/2021) Foto Arkivu Embaxada Korea ba Timor-Leste

(Editor Suzana Cardoso)

DILI (TIMOR POST) – Atu ajuda prosesu rekoperasaun kauza husi desastre naturais ne’ebé akontese iha loron 4 Abril 2021 maka Governu Korea kontribui hodi fo tulun osan hamutuk U$100,000.00 nu’udar asistensia humanitarian ba povu Timor-Leste.

Tuir komunikadu imprensa ne’ebé redasaun Timor Post simu iha loron, Kuarta, (14/4/2021) ne’ebé fo sai husi Embaxada Korea hateten, asistensia humanitarian ne’e fo liu husi United Nations Development Program (UNDP) ba Timor-Leste atu bele ajuda prosesu rekoperasaun ne’ebé kauza husi desastre naturais.

Ajuda humanitaria ne’e entrega direitamente husi Embaixador Korea, Kim Jeong ho ba Secretario de Estado Proteccao Civil, Joaquim Martins. “Espera katak ajudu ne’e bele kontribui atu mantein dignidade humanu vitima desastre naturais no ajuda Timor-Leste bele rekupera lalais,” tenik Embaixador Korea Kim.

Hateten Embaixador Kim, inundasaun 4 Abril 2021 ne’e kausa ema mate. No sasan barak tebes maka hetan estragus.Nune’e Governu Timor-Leste solisita ba parseiru desenvolvimento sira atu apoiu.

“Governu Korea deside atu apiu U$100,000.00 ba Timor-Leste. Espera apoiu nee bele hakmaan governu Timor-Leste hodi rekupera estragus sira. Ami husi Governu Governu Korea mantein nafatin komitmentu atu ajuda Timor-Leste,” katak Embaixador Korea Kim.

Hanesan púlika tiha ona, durante ne’e agensia koperasaun internasional Korea, KOICA halo mos ajudu humanitria hanesan, fornese be mos, lensol no hand sanitizer ba refugiadu sira iha Dom Bosco, Comoro.

Aliende ne’e Embaixada Korea servisu hamutuk ho empreza no komunidade Korea iha Dili apoiu mos hodi normalize dalan, fornese bee mos no apoiu necesidade baziku ba refuziadus sira iha centru akolhamentu sira.(Lee Notisia Kompletu Iha Jornál Timor Post)

 

No More Posts Available.

No more pages to load.