Governu Kontinua Husu Prezidente Repúblika Renova Estadu Emerjénsia To’o 28 Novembru

by -525 views
Reuniaun Konsellu Ministru iha Palasiu GOvernu, Dili. Foto Espesial

DILI (Timor Post)—Governu lideradu Primeiru Ministru Taur Matan Ruak liuhusi Konsellu Ministru, iha loron 20 fulan-outubru tinan 2021, halo análiza ba aprezentasaun  kona-ba pontu situasaun epidemiolójika país nian, ne’ebé halo husi koordenadór sira Sala Situasaun Sentru Integradu Jestaun Krize (SIJK) nian.

Hafoin análiza, órgaun ezekutivu ne’e delibera atu propoin ba Prezidente Repúblika, Francisco Guterres Lú Olo, renovasaun estadu emerjénsia ba loron tolunulu tan, hahú husi oras tuku 00:00 loron 30 fulan-outubru tinan 2021 to’o tuku 23:59 loron 28 fulan-novembru tinan 2021.

Liuhusi komunikadu ba imprensa ne’ebé Timor Post asesu haktuir, ho hanoin katak kauza determinante sira ne’ebé justifika ona deklarasaun estadu emerjénsia no ninia renovasaun sira kontinua mantein, no atubele evita no neutraliza risku propagasaun sira husi variante foun SARS-CoV-2, no nune’e bele proteje saúde públika no kapasidade resposta husi Sistema Nasionál Saúde nian, Governu propoin ba Señór Prezidente Repúblika katak, ho renovasaun estadu emerjénsia nian, permite suspensaun ka restrisaun ba direitu no garantia fundamentál balun. (cao)

No More Posts Available.

No more pages to load.