Governu Kansela Subsídiu Veteranus ba Ema Na’in-2088

by -3.535 views
Sekretáriu Estadu Gil da Costa Monteiro alias “Oan Soru”

DILI (Timor Post)—Governu liuhusi Sekretaria Estadu Antigu Kombatente Libertasaun Nasionál (SEAKLN) hapara tiha ona subsídiu veteranu ba ema na’in-2088 tanba falsifikasaun dokumentus.

Sekretáriu Estadu Gil da Costa Monteiro alias “Oan Soru” subliña, nia parte hola medidas ida ne’e tanba la tolera ho sidadaun sira haan matak osan estadu hodi fó impaktu ba estadu tau matan ba povu kbiit laek sira.

“Estadu nia osan tenke fila, ema ki’ak mukit barak hela. Prosesu seluk (krime) ne’e la’ós ha’u nian, osida ha’u tama sala ema nia kintal,” Oan Soru hatete ba Jornalista sira hafoin diskuti assuntu ne’e ho Prezidente Republika, Francisco Guterres Lu Olo, iha Palasiu Prezidensial Bairro-Pite, Dili, Kuarta (13/10/2021).

SEAKLN kontinua halo servisu verifikasaun atu deteta nafatin sé de’it maka komete falsifikasaun tenke kansela.

“Prosesu la’o hela, Oekusi hotu ona, sira seluk seidauk,” nia haktuir.

Hahú husi fulan agostu tinan 2021 to’o agora sei la’o iha territóriu.

Iha oportunidade, Oan Soru mos defende katak, la’ós veteranus maka halo impedimentu ba projetu sira iha area rural maibé individu sira ne’ebé sé de’it bele prosesa tuir lei.

“Liafuan ida sempre ko’alia veteranus impede dezenvolvimentu, impede dada eletrisidade, impede halo estrada ba povu. Ema ida ba hamriik iha ne’eba la lori veteranus nia naran, iha sertidaun mos apalidu veteranus laiha,” Oan Soru hatete.

Ema ne’ebé halo impedimentu ne’e indivitu la’ós veteranus. Tanba tuir nia, veteranus ne’e órgaun ida la’ós ema ida. (cao)

No More Posts Available.

No more pages to load.