Governu Identifika Veteranu Falsu liu Rihun Ida

by -844 views

Jornalista Jaime Pires / Editor Noemio Falcao

DILI (Timor Post) -Governu liuhusi Sekretariadu Estadu Assuntus Kombatentes Libertasaun Nasionál (SEAKLN) konsege identifika veteranu falsu liu rihun ida iha territoriu.

Sekretariu Estadu Gil Monteiro “Oan Soru” ba jornalista sira hafoin ba partisipa iha Komisaun Revizaun Orsamentu Polítika (KROP) iha Ministeriu Finansas Aitarak Laran, Tersa (07/09).

“Durante ne’e ami identifika ona veteranus falsu ka ema ne’ebé mak falsifika dokomentus ne’e hamutuk (1.000) resin ona, ne’e ba sira ne’ebé mak rejistu husi 2003-2005 ne’e”, dehan Nia.

Nia subliña, maibé ba sira ne’ebé mak rejistu iha tinan 2009 ne’e, foin mak halo prosesu verifikasaun jerál, ne’ebé verifikasaun hotu mak bele hatene sira na’in hira mak falsifika dokomentus.

Oan Soru dehan, oras ne’e dadaun ekipa SEAKLN kontinua halo verifiksaun ba dadus sira tama sai suku sira iha tinan ida ne’e no oras ne’e rejistu ona hamutuk 124.900 verifika ona maibé nia persetajem tan a sei iha prosesu nia laran tanba seidauk finál.

“Sira ne’e ba ema ne’ebé partisipa ne’e agora dadaun ita halo verifikasaun ba sira dadaun ne’e” esplika nia.

Nune’e mós agora ekipa SEAKLN oras ne’e dadus tama sai uma lisan no foti dadus kona ba ema ne’ebé mate iha ai laran durante iha funu nia laran dadaun ne’e la’o hela iha Munisípiu Sanulu resin ida inklui Oecusse, Munisípiu Dili oras ne’e paradu tanba aplikasaun Konfimantu Obrigatóriu.

No More Posts Available.

No more pages to load.