Governu husu Veteranu Sira Kumpri Desizaun Estadu no Halo Reflesaun iha Ida-Idak nia Uma

by -328 views
Imajen ne’e hatudu selebrasaun loron veteranu iha tinan hirak liu ba.

DILI— Sekretariu Estadu Assuntu Antigu Kombatente no Libertasaun Nasionál, Gil da Costa Monteiro ‘Oan Soru’ hatete, selebarasaun loron veteranu ba-dala 40 (1981-2021) ne’e governu labele halo atividade ruma tanba Timor Leste iha hela estadu emerjénsia.

Tanba ne’e, Oan Soru husu ba veteranu sira tenke kumpri desizaun estadu ba aplikasaun estadu emerjénsia nune’e kontribui ba prevene moras daet COVID-19. Nune’e, governante ne’e husu atu veteranu ida-idak halo de’it reflesaun iha uma.

“Fó hanoin ba veteranu sira iha territóriu laran tomak ida-ida tuur halo reflesaun iha nia fatin,” Oan Soru subliña ba Timor Post via telefone, Segunda (01/03).

Oan Soru dehan, reflesaun iha loron importante ida ne’e (03/03) nu’udar loron veteranu sira nian hodi hanoin hikas memoria veteranu sira nian iha tempu difisil hamutuk luta kontra inimigu.

“Loron veteranu halo tinan 40 konta ho tinan ida ne’e, loron ne’ebé labele lakon iha memória iha veteranu nian ba povu tomak,” Oan Soru subliña.

Jornalista Venidora

Editór Noémio Falcão

No More Posts Available.

No more pages to load.