Governu ho UN Women Deskuti Implementasaun PAN 1325

by -330 views
Foto hamutuk hafoin sorumutu iha Otel JL Villa, Dili. Foto TP: Mariano Do Santos

Jornalista Estajiáriu Mariano Do Santos / Noémio Falcão

Dili (Timor Post)—Sekretáriu Estadu Protesaun Sivil (SEPS) liuhusi Diresaun Nasionál Prevensaun Konflitu Komunitáriu (DNPKK) servisu hamutuk ho organizasaun mundiál UN Women  halo deskusaun kona-ba implementasaun Planu Asaun Nasionál (PAN) 1325 kona-ba feto, paz no seguransa iha Timor Leste.

Surumutu iha Otél JL Villa, Dili, Sesta (26/11/2021), parte hotu komitmentu atu implementa PAN 1325 tuir rejolusaun Organizasaun Nasoens Unidas (ONU) ne’ebé Timor Leste ratifika iha tinan 2—2.

“Dahuluk ita sai membru ONU iha tinan  2002, hakarak lakohi ita tenke implementa programa PAN 1325 iha nasaun lubuk ida no mós ita nia nasaun Timor Leste,” Diretór Diresaun Nasionál Prevensaun Konflitu Komunitariu (DNPKK) António Viegas ba Jornalista hafoin sorumutu.

Nia dehan, hahú tinan 2021 to’o 2025 hakerek livru promoliza ba  daruak, ba oin  governu komitmentu tau osan  rihun $20 hodi  implementa.

Entretantu reprezentante husi UN Women ba programa Feto, Paz no Seguransa, Leonisia Tecla da Silva hatete, progressu ne’ebé iha tiha ona kona-ba komprimisiu governu nian ba iha PAN 1325 liuliu faze daruak nian, governu hakarak iha komitmentu oinsá dezenvolve ba progressu dezenvolvimentu faze daruak nian, hanoin hela katak servisu dadauk ne’e liu husi kolaborasaun servisu dadaun hamutuk ho intidade hotu-hotu.

“Servisu ida ne’e hotu-hotu hanesan liña ministerais sira hamutuk kuase 15, sosiedade sivil 11 ne’ebé hola parte iha estrutura PAN 1325 ba iha faze daruak nian,” Leonisia haktuir.

No More Posts Available.

No more pages to load.