Governu Hakotu Ona Serka Sanitaria iha Dili

by -353 views
Palasiu Governu

Jornalista Jaime Pires / Editór Noémio Falcão

DILI (Timor Post)- governu liuhusi reuniaun Konsellu Ministru (KM), deside hakotu ona ka la Estende tan ona Serka Sanatiria (SS) iha Munisípiu Dili.

Lia hirak ne’e hato’o husi Ministru PreIdensia Konsellu Ministru, Fidelis Leite Magalhaes ba jornalista sira hafoin remata reuniaun Konsellu Ministru iha Palásiu Governu, kuarta (29/09).

“Ohin reuniaun Konsellu Ministru deside la Estende tan ona serka Sanitaria iha Munisípiu Dili, signifika iha Dili laiha ona serka sanitaria”, dehan Nia.

Nia dehan, nune’e mós fó autorizasaun ba sidadaun ka estranjeiru sira ne’ebé mak simu ona vasina dala rua bele mai, kuandu sira hatudu sira nia teste negativu no vasina ona dala rua.

Maski ema ne’e mai husi nasaun sira ne’ebé mak orijen husi virus Covid-19 no Variante Delta nia, importante mak nia vasina dala rua ona no teste negativu bele tama mai iha territóriu nasionál.

“Nia rekejitu mak sentru husi oras 48 nia tenke hato’o ba pesoal saúde sira katak nia teste negativu”, dehan Nia.

Atu hakotu ona, ne’ebé ba sira ne’ebé mak mai ne’e sei la halo tan ona Karantina ka Auto Karantina importante mak sentru husi oras 48 ne’e sira aprezenta sira nia rezultadu negativu no mós vasina ona dala rua.

No More Posts Available.

No more pages to load.