Governu Dasia Mak Bele Lori hikas OJE ba Parlamentu Nasionál, Lú Olo Tenke Aselera Demisaun ba Governu Daualu

by -57 views

DILI— Jurista no Akadémista Mestre Pe. Júlio Crispim Ximenes Belo, Drs., Ldto, Mdpri. subliña, governu daualu laiha ona dalan atu lori hikas Orsamentu Jerál Estadu (OJE) ba tinan 2020 no 2021 nian ba Parlamentu Nasionál hodi halo diskusaun no aprova.

Ba Timor Post, Sesta (30/04/2020), Pe. Júlio dehan, kazu OJE 2020 tama iha Proposta da Lei (PL) OJE 2020 la votada (retira) art. 97.º n.º4 KRDTL, la tama ba PL OJE 2020 la aprovado (Xumba) art. 86.º al. f), tanba retira tiha, hatama fali, KRDTL no RPN la fo ona dalan iha tinan ne’e no tinan tuir mai.

Tanba ne’e, Prezidente Repúblika la rezolve liu husi art. 86.º al. g), maibe ho base iha art 97.º n.º 4 no n.º 5 KRDTL, Prezidente Repúblika uza nia kualidade Tuir art 74.º KRDTL husu aplikasaun art. 112.º KRDTL no art. 106.º KRDTL, atu bele apresenta fali PL OJE 2020 no PL OJE 2021 ba PN tuir regra sira ne’ebé preve Lei Orsamentu no Gestaun Finanseira.

“Iha konseitu tolu ne’ebé maka ita polítiku sira tenke entende maka, ida kona-ba rejeisaun Proposta da Lei (PL), ida fali Proposta da Lei não votada, no ida seluk Proposta da Lei não aprovadu,” Pe. Júlio hatete.

Pe. Júlio esplika, ligadu ho OJE, sé mak halo rejeisaun ne’e Prezidente Parlamentu Nasionál i tuir rejime ida ne’e reforsa husi artigu 17 (d) kompeténsia Prezidente Parlamentu Nasionál ne’ebé bele simu proposta lei no rejeita. Katak, kuandu la simu, bazeia ba artigu 97 (3), sesaun lejislatura ida ne’e governu labele hatama tan proposta hanesan.

Tuir fali konseitu daruak “la votada” katak, proposta ne’ebé governu hatama ba Parlamentu Nasionál mak la votada ka la konsege vota iha jeneralidade ka espesialidade, maka iha situasaun ida ne’e governu labele hatama fali iha sesaun lejislativa ida ne’e no tuir mai. No konseitu ida ikus ne’e “não aprovadu” ne’e aplika fali artigu 86.

“Ne’e duni, sé ita hakarak iha orsamentu jeral estadu, agora ita hahú prosesa ona, (Prezidente Repúblika Francisco Guterres Lú Olo) hahú halo demisaun governu, forma governu foun, hatama programa no orsamentu ba Parlamentu Nasionál,” Pe. Júlio salienta. (cao)

No More Posts Available.

No more pages to load.