Governu Atu Harii Hikas Prizaun Weberek

by -194 views
Ministru Justisa, Manuel Cárceres

Estajiáriu MJ2 / Editór Noémio Falcão

DILI (Timor Post) Governu liuhusi Ministériu Justisa hatúr ona planu ba harii hikas prizaun antigu Weberek hodi lori hotu prizioneiru sira ba sulan iha ne’eba tanba rai luan.

Relasiona ho planu ne’e, Ministru Justisa, Manuel Cárceres informa, propoin orsamentu kuaze rihun $200 iha Orsamentu Jerál Estadu tinan fiskal 2022 hodi hahú halo dezeñu no halo BoQ (Bill Of Quantities).

‟Nne’e para hasai tiha prizaun tolu ne’e, ba tau fali iha fatin ida de’it, tanba rai ne’ebá iha rai luan,” Ministru Cárceres ba jornalista sira iha Edifísiu Ministériu Finansas Ai tarak – Laran, Dili, Sesta (10/11/2021) hafoin aprejenta proposta ba KROP.

‟Buat proposta ne’e la’ós obrigatóriu, tékniku sira iha ne’e ohin ha’u esplika tiha ona, ha’u iha razaun fó hotu ba sira, ha’u mós husu boot ba Maromak para sira simu, para depois rai netik legadu ida ba sidadaun sira,” governante ne’e subliña. (Lee notísia seluk iha Jornal Timor Post)

No More Posts Available.

No more pages to load.