Governu Aprova Proposta Lei OJE 2020 ho Montante billaun $1,497

by -185 views

Timor Post (26/08/2020)- Governu liu hosi reuniaun Konsellu Ministru Kuarta (26/08) aprova projetu proposta lei ba Orsamentu Jeral Estadu (OJE) 2020 ho montante billaun 1,497.

“Konsellu Ministru aprova ona projetu proposta lei kona-ba orsamentu jeral estadu nia ba tinan 2020, ho montante totál dolar amerikanu millaun rihun 1,497” Ministru Prezidensial Konsellu Ministru Fidelis Leite Maglhães informa ba Jornalista iha Palasiu Governu, kuarta (26/08).

Projetu proposta lei ba orsamentu jeral estadu ba tinan 2020 ho montante $1,497 millaun ne’e aprezenta hosi Vise-Ministra Finansas Sara Lobo Brites.

Fidelis aprofunda ho montante $1,497 millaun ne’e atu kobre nesesidade sira ba programa no prioridade nasionál sira ne’ebé governu konstitusionál VIII define ona, liu-liu iha nivel estabilizasaun setór sosiál no setór ekonomiku no prosesu reforma institusionál hirak ne’ebé hala’o daudaun, inklui despeza sira kona-ba proposta ba covid-19 no medida sira kona-ba rekoperasaun ekonomika.

Membru governu adianta OJE tinan 2020 no 2021 sei entrega ba parlamentu nasionál iha loron 15 fulan Setembru no loron 15 fulan Outubru tinan ida ne’e.(Jornalista: Jaime Pires)

No More Posts Available.

No more pages to load.