Governu Aprova Kriasaun Sorteiu Lotaria Vasina Kontra COVID-19

by -315 views
Foto Espesial

Jonalista Jeremias Soares / Editór Noémio Falcão

DILI (Timor Post)—Konsellu Ministru aprova ona projetu dekretu-Lei ba kriasaun sorteiu Lotaria Vasina kontra COVID-19 ne’ebé aprezenta husi Ministru Finansas, Rui Augusto Gomes.

“Iha suku sira sei iha lotaria ba pesoál sira ne’ebé mak vasina kompletu tiha ona, iha lotaria ne’e manan nain sei hetan dolar atus ida,” Ministru Prezidénsia Konsellu Ministru, Fidelis Leite Magalhães, informa ba jornalista sira hafoin reuniaun Konsellu Ministru (KM), iha Palásiu Governu, Kuarta  (23/06).

Fidelis esplika, sorteiu ne’e konsinte iha atribuisaun prémiu ho forma aleatória ba ema singular sira ne’ebé validamente partisipa iha sorteiu. Bele partisipa iha Lotaria Vasina kontra COVID-19, ema ne’ebé simu ona vasina kontra COVID-19 iha territóriu nasionál, hahú husi fulan-Jullu.

Kada prémiu ho valór dolar amerikanu 100 no sorteiu ne’e sei hala’o kada fulan iha suku, to’o loron 20 kada fulan. Númeru prémiu ne’ebé atribui husi kada sorteiu depende ba númeru ema ne’ebé maka vasina ona iha área suku nian.

Entre ema 50 no 150 ne’ebé vasina ona iha fulan ne’e mak atribui prémiu,  entre ema 151 to’o 300 simu ona vasina fulan ne’e sei atribui prémiu tolu,  entre ema 301 no 500 ne’ebé simu ona vasina iha fulan ne’e  sei atribui prémiu neen,  no ema 501 ba leten ne’ebé simu ona vasina fulan ne’e sei atribui prémiu sia. La-iha fatin ba sorteiu karik iha fulan determinadu existe ema menus husi 50 mak abilitada atu partisipa, ema hirak ne’e sei integra fali ba-iha fulan tuir-mai. (Asesu informasaun seluk iha Jornál Timor Post)

No More Posts Available.

No more pages to load.