Governu Aprezenta Proposta OJE 2020 ba PN iha Sesaun Lejislativa Datoluk

by -335 views

Timor Post (14/09/2020)-Sekretaria Meza Parlamentu Nasionál, Lidia Norberta, hatete aban Parlamentu Nasionál hahú sesaun lejizlativa foun, no tempu hanesan governu sei aprezenta Orsamentu Jerál Estadu 2020.

“Aban Parlamentu Nasionál hahú sesaun lejizlativa foun, au mezmu tempu governu sei aprezenta Orsamentu Jerál Estadu 2020, depois simu tiha OJE buka duni atu bele oinsá mak inkorpora audiénsia ho diskusaun iha jeneralidade no espesialidade ne’e antes de 14 Outubru OJE 2020 ita bele konklui ona,” informa deputada ba jornalista sira hafoin remata reuniaun lider bankada halo enkontru ho prezidente komisaun sira iha PN, Segunda (14/09).

Lidia akresenta ajenda aprezentasaun proposta OJE sei halo iha oras lokraik tanba dadeer parlamentu sei hahú ho sesaun lejizlativu foun.

Entretantu Proposta OJE ne’ebé Konsellu Ministru aprova ba tinan fiskál 2020 hamutuk Milaun $1.492,3.(Jornalista Julio Salinas Soares)

No More Posts Available.

No more pages to load.