G7+ Husu STAE-CNE Hadi’a Sistema Atendimentu Iha Sentru Votasaun Paralelu

by -446 views
Observadór husi Organizasaun Internasionál G7+, Larry Fangawa (klaran), halo konferensia imprensa iha Sede G7+, besik Palasiu Governu, kuarta (23/03).

(Reportajen Jaime Pires/Editor Mateus da Cruz)

Dili  (Timor Post) – Observadór husi Organizasaun Internasionál G7+, Larry Fangawa husu, ba Sekretariadu Tékniku Administrasaun Eleitorál (STAE) no Komisaun Nasionál Eleisaun (CNE-Sigla Portuges), atu hadi’a sistema atendimentu iha sentru votasaun paralelu nune’e ba futuru bele hasa’e partisipasaun eleitór no evita dezentendimentu.

“Ami husu atu bele hadi’a sistema ne’e iha futuru atu nune’e asegura katak ita bele akomoda votante barak liu tan,” dehan Observador internasional G7+ husi nasaun Siera  Leone, Lerry Fangawa liu husi konferensia Imprensa iha sede G7+, besik Palasiu Governu, kuarta (23/03).

Nia dehan, durante eleisaun observadór sira hosi G+7 nota katak iha sentru votasaun paralelu mosu dezentendimentu tanba eleitór barak labele vota.

Nia mós husu ba CNE no STAE Presiza haforsa edukasaun eleitorál ba votante sira, liu liu ba sira ne’ebé mak foin primeira vés atu vota, tanba dalaruma sira sei menus koñesimentu.

“Ami sujere bainhira akontese Eleisaun Prezidensial segundu volta  mak tenki hadi’a sistema atendimentu nune’e bele akumula ema barak,”nia dehan.(***)

No More Posts Available.

No more pages to load.