Funsináriu Prizaun Nain Sia Pozitivu Covid-19, Rua Grave Monu Iha Izolamentu

by -557 views
Prizaun Becora

(Reportájen Olga Soares/Editor Suzana Cardoso)
DILI (Timor Post) – Hafoin teste swab ba funsionariu públiku Prizaun Bekora, deteta nain sia pozitivu Covid-19. Prizoneiru nain rua ho kondisaun grave hodi halo sira monu iha izolamentu Vera Cruz laran.

Tuir informasaun ne’ebé maka Timor Post asesu hateten, nain ida hosi nain sia ne’ebé pozitivu Covid-19 ne’e, inklui director Prizaun Becora. No pasiente nain rua seluk sai hosi prizaun Bekora ho kondisaun grave.

“Pasiente dadur nain rua ne’e sai husi prizaun Bekora ho kondisaun grave ona. Sira nain rua ekipa vizilansia epidemolojia lori too iha izolamentu konsege monu iha laran. No daudaun ne’e baixa hela izolamentu Vera Cruz,” hateten Seguransa pesoál iha izolamentu Vera Cruz ne’ebé lakohi temi nia naran ba Timor Post iha Izolamentu Vera Cruz, Sábadu, (15/05/2021).

Informa pesoal saúde ne’e katak, pasiente nain rua ne’e nain ida evakua kedas iha Loron Sesta, (14/5/2021) horseik kalan. No pasiente ida seluk foin mak evakua mai iha loron Sabadu, (15/5/2021) lokraik ne’e.

“Agora ita iha ona dadur nain rua mak kondisaun grave. Funsionáriu prizaun Becora nain sia hetan pozitivu Covid-19. Maibé Guarda prizioneru nain sia ne’e, sira izola de’it iha Prizaun Bekora,” informa informa Saúde Pessoál ne’e.

Tuir observasaun Timor Post, ambulansia tula ona pasiente dadur pozitivu Covid-19 evakua sai ba iha Izolamentu Vera Cruz. Iha obrigasaun ne’e Timor Post nota katak, ambulansia trankadu hatun pasiente prizaun Bekora. Pasiente pozitivu Covid -19 tama ona iha fatin baixa laran. husi Prizaun Bekora,(Lee notísia kompletu iha jornál Timor Post)

No More Posts Available.

No more pages to load.