Fulan Tolu Ikus Ne’e, Klínika Bairro-Pite Rejista Ema Na’in Lima Mate Tanba Moras Daet

husi -54 views

Timor Post (25/03/2021)—Hahú husi fulan Janeiru to’o Marsu 2021, klínika Bairro Pite rejista pasiente moras daet TBC (tuberculose) hamutuk 118 no na’in-lima maka labele hetan salvasaun.

Koordenadór Programa TBC iha Klínika Bairro Pite, José Maia Soares ba Timor Post via telefone, Kinta (25/03/2021) haktuir, pasiente na’in-lima ne’ebé mate infrenta TBC ho komplikasaun.

“Durante fulan Tolu Klínika Bairru Pité lakon pasiente na’in-lima, pasiente hirak ne’e mai ho idade 52 no sira afeta TB ho komplikasaun,’’ Koordenador José haktuir.

Husi númeru pasiente ne’ebé Klínika Bairro Pite rejista, durante serka sanitária ba moras COVID-19 iha Munisípiu Dili, pasiente TBC kuaze na’in-30 maka hala’o tratamentu intensive iha sentru izolamentu Tibar no sira seluk konsumu de’it aimoruk iha uma.

Jornalista Olga Soares

Editór Noémio Falcão