FPDTL Rekruta Estudante Na’in 26 ba Estájiu iha Instituisaun Sira

by -294 views
Estudante area administrasaun FPTDL, partisipa hela seminariu, foto TP/Deny

DILI (Timor Post)- Fundasaun Parseiru Dezenvolvimentu Timor Leste (FPDTL), rekruta estudante na’in 26 kompostu hosi feto na’in 20 no mane na’in 6, hosi departamentu administrasaun iha FPDTL, hodi ba hala’o estájiu iha instituisaun sira hotu iha Timor laran.

“Preparasaun Ida ne’e ba departamentu Administrasaun Sira Husi FPDTL, atu halo pratika, nune’e prepara estudante sira, mentaliza sira antes ba estájiu iha instituisaun sira,” hatete Diretór FPDTL, Sancho Belo do Rego, iha Faról, sesta,(25/02).

Nia hatete, FPDTL garantia estudante sira ne’e iha kapasidade di’ak no iha abilidade hodi implementa matenek ne’ebé sira hetan ona durante formasaun iha FPDTL.

FPDTL seidauk iha parseiru, maibé Karta ne’ebé distribui, instituisaun ka organizasaun Sira sempre tau konsiderasaun.

FPDTL hanesan instituisaun naun – governamental ne’ebé loke formasaun, kontinua promove nafatin   Juventude sira ne’ebé hamahan an iha organizasaun, liu husi prosesu aprendizajen atu sira bele aprende nune’e bele garantia sira nia objetivu ne’e ba futuru.

Formadora Administrasaun FPDTL, Ana Isabel Moreira Freitas, hatete, formasaun area administrasaun ba estudante sira iha FPDTL, hala’o durante fulan rua. Durante fulan rua estudante sira hetan matéria barak  kona-ba  office skill no komputadór skill.

“Area sira ne’e importante tebes atu estudante sira bele moderniza Sira Nia kapasidade antes ba estájiu iha instituisaun ka organizasaun Sira,” nia dehan.

Nia mós garantia katak estudante sira ne’ebé rekruta ona hodi ba hala’o estájiu sira iha ona skill di’ak hodi implementa sira nia matenek iha fatin ne’ebé sira halo estájiu ba.

“Lian menon ba Juventude hotu-hotu, katak ketak ta’uk atu hakat, basa susesu sei Hein o nia tempu, Liu husi motto Ida ne’e espera katak bele enkoraja ba estudante Sira hotu, no Estudante Sira sei aprende Liu-tan hodi halo mudansa ba koñesimentu ne’ebé Sira iha,” nia husu.

Alende ne’e, Estudante Administrasaun iha FPDTL, Rofino Borges, hatete nia kontente ho formasaun ne’ebé durante ne’e hala’o iha FPDTL.

“orgullu bo’ot tebes Ha’u bele hamahan-an iha organizasaun FPDTL Ida ne’e, tanba formasaun hanesan ne’e bele motiva ami atu sai empregu ba futuru Ami nian,” nia hatete. (Lee notisia seluk iha jornal Timor Post/asesu youtube Timor Post)

No More Posts Available.

No more pages to load.