Forsa Naval ho UPM Abandona Riku Soin iha Tasi Mane

by -353 views
Imajen ne'e hatudu ro patrullamentu hirak ne'ebe aat tiha ona. Foto Espesial

Jornalista Jaime Pires / Editór Noémio Falcão

DILI (Timor Post)—FALINTIL-Forsa Defeza Timor-Leste (F-FDTL) liuhusi Komponente Naval ho Polísia Nasionál Timor-Leste (PNTL), Unidade Polísia Maritima (UPM) abandona riku soin sira iha tasi mane tanba laiha fasilidade.

Ministru Defeza (MD), Filomeno Paixão de Jesus ba Jornalista sira iha nia servisu fatin, Fatuhada, Sesta (22/10/2021) rekoñese situasaun ne’e difikulta tebes patrullamentu iha tasi mane liuhusi tasi no rai maran.

“Sim kareta no ró ne’ebé mak forsa no polísia marítima durante ne’e uza a’at hotu,” Filomeno hatutan.

Atualmente polísia no militár marítima só bele halo de’it operasaun iha área ne’ebé besik iha Dili.

“Tasi mane agora abandona laiha ida mak ne’ebá tanba ró laiha atu ba halo patrollamentu,” Governante ne’e hatete.

Governu loke ona tenderizasaun ba kompañia sira no prosesu iha ona CNA atu bele halo manutensaun ba fasilidade hotu liuliu ró patrullamentu.

“Manutensaun ne’e ita aloka ona orsamentu ba Ró sira ne’e, ita aloke millaun ida resin hodi halo manutensaun ba ró sira a’at ne’e,” Filomeno salienta.

No More Posts Available.

No more pages to load.