FHT Forma Joven Kretivu IT Smart

by -96 views
Joven Kretivu no estudante Instituisaun Superior sira iha konesementu kona ba IT tuir workshop iha Sentru Formasaun Fundasaun Hadomi Timor, Palapasu.Foto/TP/Florindo.

Reportjen Florindo Coluna Editor Rosa Garcia

DILI (Timor Post) –Fundasaun Hadomi Timor (FHT), iha Sabadu, (10/07), realiza workshop ba joven Kreativu sira ne’ebé Aprende Informasaun Teknolojia Smart iha edifisiu Luta Hamutuk Palapasu.

Workshop IT Smart, nu’udar atividade formasaun ida ne’ebé FHT hala’o, hodi hafe ba joven sira ne’ebé hakarak Aprende no koñese liu tan oinsá atu utiliza internet ho saudável.

Tuir observasaun Timor Post iha atividade workshop FHT loron ida ne’e, joven Feto no  mane lubuk ida antusiazmu partisipa ho Ida-idak nia laptop hodi rona orador sira nia esplikasaun kona-ba utilizasaun konten Internet nian.

Husi Lista joven Kretivu ne’ebé rejista hodi partisipa iha kursu smart IT hamutuk ema nain 46, mai husi estudante IOB, DIT, UNTL, UNPAZ, UNITAL, estudante ativu no alumni  FHT.

Antoziais Joven sira tanba workshops, atrativu no relevante ba sira nia area ne’ebé sira estudu kona ba tema “Designing Web with pure CSS no HTML”.

Ba Timor Post Diretór FHT, Nico Linox, hatete atividade ne’e halo hodi fó koñesimentu naton ba estudante sira atu nune’e bainhira remata sira nia estudu fasil ona ba sira atu dezenvolve web no oinsá Utiliza internet tuir nia dalan loloos.

“Atvidade workshop ho tema ”Designing Web with pure CSS no HTML” ami oferese ba estudante Instituisaun Superior sira no ami nia estudante ativivu sira para Hasae sira nia koñesimentu iha area IT nian, para sira bainhira remata bele aplika ona sira nia vida,” dehan Diretór FHT, Nico ba Timor Post, sabadu,(10/07).

Enkuantu partisipante husi estudante IOB, Matias da Costa de Araújo, hatete, formasaun ida ne’e importante tebes atu Hasae sira nia koñesimentu iha area pratika, liu-liu adaptasaun no inovasaaun information Teknolojia nian.

“ha’u sente kontente ho formasaun ka workshop IT Smart ida ne’e tanba prátikamente ami bele apreende no adapta Mudansa sira kona-ba informasaun Teknolojia nian,” hatete Estudante IOB, Matias.

Nia Subliña dala ruma Materia sira ne’e sira aprende husi Dosente sira, maibé Materia IT nian sempre iha Mudansa barak tanba ne’e mak di’ak liu ho workshop sira hanesan maneira pratika ida ne’ebé ba sira bainhira remata sira nia estudu sira bele abitua ona hodi dezenvolve rasik.(Lee nutisia seluk iha Jornal Diariu Timor Post)

No More Posts Available.

No more pages to load.