Farda F-FDTL Seidauk To, Lista Kadeta Foun Adia

by -433 views
Foto Espesial

(Jornalista Jaime Pires/Editor Suzana Cardoso)

DILI (Timor Post) – Tanba sei hein farda ne’ebé seidauk to’o iha Timor-Leste (TL) maka lista ba membru foun FALINTIL-Forsa Defeza Timor-Leste (F-FDTL) seidauk taka sai.

“Kona-ba karentes foun ami sei depedenti ba iha produsaun ba farda , tanba farda ohin emberga ona mai Timor-Leste,” Ministru Defeza no Seguransa (MDS), Filomeno Paixão de Jesus hatete ba Jornalista sira iha Ministeriu Finansas, Aitarak Laran, Kuarta (01/09).

Ministru ne’e dehan, tanba farda ba FALINTIL- F-FDTL ne’e halo iha rai li’ur, no nia prosesu agora kleur tanba situasaun agora pandemia entaun fabrika barak mak taka.

“Farda ne’e halo iha Solo, Indonézia tanba fabrika barak mak taka. Nune’e mak nia prosesu kleur oituan. Maibé ohin, (Kuata, 01/09/2021) haruka ona mai Timor-Leste tuir ró. Agora iha dalan ona”, dehan Filomeno.

Governante ne’e dehan, total farda ne’ebé iha ona dalan ne’e hamutuk 300. No sira ne’ebé iha ona maka hamutuk 300. Kuandufarda restu too ona maka kompletu ona 600 hodi fó ba membru foun ne’ebé mak agora atu taka sai nia naran.

Nia mós subliña, kona-ba atu taka sai naran ba kadeta foun ne’e, hein farda iha dalan ne’e to’o tiha mai mak bele fó sai fali informasaun bainhira mak taka sai nia naran.(Lee notísia iha Jornál Timor Post)

 

 

 

No More Posts Available.

No more pages to load.