Família Lakohi Halo Autopsia Ba SGS Nia Tara an

by -998 views
Joven ida ho naran inisial SGS, tara-an iha Suku Bairru-Pite, Aldeia Tat. (Foto Espesial)

(Reportájen Jaime Pires/Editora Suzana Cardoso)

DILI (Timor Post) – Joven ida ho naran inisial (SGS), tara-an iha Suku Bairru-Pite, Aldeia Tat, horisehik lokraik ne’e, Polísia Nasionál Timor-Leste (PNTL), la hetan Motivu ruma.

Lia hirak ne’e hato’o husi, Komadante Polísia Munisípiu Dili, Superentendente Xefe, Henrique da Costa ba jornalista sira iha nia servisu fatin, Kaikoli sesta (21/01) ne’e.

“Kazu tara-an ida iha Postu Administrativu Dom Aleixo nia, ne’ebé alin mane ida tara an ho inisial SGS iha area suku Bairru-Pite, aldeia Tat nia, ita nia investigasaun DPU, sira parte forensik ninia ba to’o iha fatin inklui doutor patologi to’o kedas iha fatin, maibé laiha Motivu ruma husi Tara-an ne’e,” dehan Nia.

Henrique hatutan, familia lakohi kontinua, doutor sira detekta ne’e murni tara an, entaun entrega ba Família sira hodi halo prosesu funeravel ninia.

“Ita nia parte investigasaun no parte intelijensia sira buka tuir Informasaun maibé la iha kauza buat ruma, ita so hatene katak vitíma ne’e tara-an,” Nia esplika.

Nia mós reforsa, kazu tara-an ne’e akontese iha Suku Bairru-Pite Aldeia Tat, Postu Administrativu Dom Aleixo Munisípiu Dili, kinta (20/01) maizumenus tuku neen lokraik ne’e. (Lee notísia seluk iha jornál Timor Post/asesu You Tube Timor Post)

No More Posts Available.

No more pages to load.