Familia Hetan Ona Antonio Nia Mate Isin

husi -3,432 views
Mate isin Antonio Alves hetan hosi nia familia iha Atauro. (Foto TP/Espesial)

(Reportajen Rosa Garcia)
DILI (Timor Post) –
Komandante Esquadra Atauro, Miguel Bere, ba Timor Post, segunda ( 17/05) via telefone,informa, família hosi matebian Antonio Alves (53), hetan ona mate isin iha parte besik Berau (Atauro) , no oras nee tau ona iha matebian nia uma Beloi.

Mate isin Antonio hetan tena.Hetan iha tasi klaran parte Berau nian maibé besik liu mai área Atauro , família mak buka hetan, mate isin tau iha nia uma Beloi, iha Portu Oin, informa.
Antonio Alves ho idade 53, hanesan nain ba bero neebé tula sira nain 7 (hitu) no mós hanesan sukaun (ema neebé lori motor ró).

Notísia relevante: Hetan Ona Funsionáriu HNGV Mout Hosi Ró Adewa-01

Sira mohut durante loron rua hosi sábadu (15/05) no mate isin foin hetan ohin (segunda 17/05) iha área Berau,oras nee mate isin tau hela iha nia uma ,Beloi, (Atauro).Entertantu to ohin loron, ekipa konjuntu hosi Polisia Maritima, Bombeirus, Komunidade no pessoál kontinua esforsu buka pasanjeiru nain 4 no konsege ona hetan nain 2, nain rua seluk seidauk hetan. (Lee notísia seluk iha Timor Post)