Membru F-FDTL Na’in 106 Hetan Promosaun Sa’e Diviza

by -2.224 views
FALINTIL Forsa Defeza Timor-Leste (F-FDTL), Halo Hela Formatura. (Foto: Espesial)

(Reportajen Jaime Pires/Editora Suzana Cardoso)

DILI (Timor Post) – Hamutuk membru FALINTIL-Forsa Defeza Timor-Leste (F-FDTL) na’in 106 hetan promosaun hasa’e diviza, iha serimónia selebrasaun aniversáriu transformasaun FALINTIL ba FDTL, da dala 21 iha Kuartél Jerál Fatuhada.

Tuir ajenda ne’ebé Timor Post asesu husi komisaun organizadora katak, membru sira ne’e halo promosaun bazeia ba despaxu númeru 001/N/CEMG F-FDTL/2022, sobre orden servisu promosaun ba militár sira ne’ebé atu promove.

Maibé, haktuir ne’ebé asesu hosi media official F-FDTL katak, lista militár na’in 106 ne’e kompostu husi kapitaun to’o kabu. Tanba ne’e divizaun pesoál/J1 tranzmite orden sia Exelénsia Chefe Estadu Maior Forsa Armada (CEMFA) (CEMFA) nian liu husi nota informasaun.

Lee Notisia Seluk: Hasai Farda, Lere Lori Fuan Sorin Ba Servi Fatin Seluk

Sei nafatin hosi karta ne’e katak, militár sira ne’ebé sei promove iha Kuartél Jenerál Fatuhada sei reprezenta de’it kada kategoria. Testu sei promove iha ida-idak ninia komponente ka unidade.

Reprezentante hodi simu diviza promosaun ne’e; Kapitaun Horacio Dos Santos Baptista promove  ba Major, promosaun distánsia Kapitaun Martinho Perreira ‘Maubelis’ ba Major, promosaun eskola Tenente José Dasi Buti ba Kapitaun.

Promosaun diuturnidade Alfares /Subten ba Tenente/2⁰ Tenente subtenente Joaquim Amaral, promosaun distansia veteranus Sarjentu ba Tenente Sarjentu Xefe Adolfo Maria Soares Lay ‘Lalotok’, Sarjentu Xefe Lorenco Cabral ‘Akito’, Sarjentu Xefe Manuel Freitas ‘Lenikai’, Sarjentu Xefe Hermenigildo Concalves ‘Kaer Susar’ no 1⁰Sarjentu João Lino Gomes ‘Cuba’, 1⁰Sarjentu Paulino Freitas ‘Manu Bela’.

Aleinde ne’e, halo mós promosaun ba Sarjentu Xefe Sabino Alves Dos Santos ba Sarjentu Mor, Sarjentu Ajudante Cipriano da Silva ba Sarjentu Xefe, 1⁰Sarjentu Francisco Gomes ba Sarjentu Ajudante, 2⁰Sarjentu Leao Soares ba 1⁰Sarjentu no Kabu João Fernandes ba 2⁰Sarjentu.

Iha serimónia ne’e mós sei halo promosaun ba Brigadeiru Jenerál Domingos Raul ‘Falur Rate Laek’ ba Tenente Jenerál F-FDTL hodi lidera F-FDTL hanesan Xefe Estadu Maiór Jenerál F-FDTL hodi troka Tenente Jenerál Reformadu Lere Anan Timur.(Lee Notísia Seluk Iha Jornál Timor Post/Asesu You Tube Timor Post)

 

 

No More Posts Available.

No more pages to load.