Licinio : Nu’udar Janela Oportunidade Diplomasia Ekonomia

by -60 views
Licinio M.Branco.Foto TP/Maria Lizia.

Reportajen Rosa Garcia

DILI (Timor Post)-Direitór Nasional ba asuntu Komunikasaun no Promosaun MNEC, Licinio M.Branco, afirma, Expo Dubai ne’e hanesan janela ba oportunidade diplomasia iha área ekonomia, ba futuru mai.

 Nia hato’o ne’e bainhira halo sorumutu ho Jornalista no Editor Timor Post, Sesta (18/06) iha salaun Sentru Formasaun Jornalista, Bebora.

“Razaun prinsipal ba Timor-Leste nia partisipasaun mak atu promove Timor-Leste nia Arte no kultura. Expo 2020 sei fó oportunidade ida ba Timor-Leste atu estabelese rede Komersial ho pais hotu no importante ba Timor-leste hodi halo Diplomsia Ekonomia”, afirma nia.

Tuir Licinio, Expo Dubai ne’e ajendadu dezde Outubro 2020 to’o Abríl 2021, maibé tanba  Covid-19 pandemia, Expo 2020 muda fali ba dia 1 Outubru 2021 to’o 31 Marsu 2022.

Feira Internasionál hala’o kada tinan lima-lima, hanesan mós olimpíada, Kopa Mundial. Feira hanesan uluk hala’o iha iha Milan, Itália iha tinan 2015. Ba tinan ida ne’e halo hosi Emirados Árabes Unidos. Sira mós apoiu ona osan ho montante $2.378.420,00 (70%) iha formatu material, la’ós osan, no Governu rasik sei aloka osan $$1.000.000 (30%), no uma nain mós prepara ona pavilium andár tolu ba Timór, hosi montante ne’ebé iha Komisaun gasta ona 50% hodi halo preparasaun sira liga ba nesesidade Expo nian.

Tuir tan diplomata ne’e, tema ba espozisaun ne’e Connecting Minds, Creating the Future” (tau Neon Hamutuk kria ba futuru) ne’ebé ho sub tema tolu, Oportunidade, Mobilidade e Sustentabilidade, maibé Timor-Leste hili mak Oprtunidade.

“Razaun prinsipal ba Expo 2020 mak fornese ka fó oportunidade ba nasaun sira atu bele hatudu sira nia Arte e Kultura. No dia 18 Outubru, Uma na’in deside sai loron Nasionál Timor-Leste nian, ne’ebé durante loron ida tomak sei dada bandeira Timor iha Dubai, sei aprezenta dansa kulturál Timor inklui aprezenta hahán ka kulinária Timor”, afirma tan nia.

Expo Dubai ne’e sei partisipa hosi nasaun 196 ne’ebé konfirmandu inklui Timor-Leste, ne’ebé governu Emirados Árabes Unidos aloka ona rai hektares 438 ba Timor-Leste Expo 2020. No prediksi katak sei iha ema 25 Milliaun mak sei partisipa. (Lee Nutisia Seluk iha jornál diáriu Timor Post)

No More Posts Available.

No more pages to load.