Estudante Universitáriu Husu Longuinhos Husik Pasta MESSK

by -175 views

Timor Post (17/08/2020)-Estudante kuaze rihun resin halibur aan iha Aliansa Universitáriu Timor-Leste (AUTL), halo asaun pasifika hasoru Ministru Ensinu Superior Siénsia no Kultura (MESSK) Longuinhos dos Santos, tanba halo diskriminasaun iha mandatu.

Estudante mai hosi UNITAL, UNTL, UNDIL, ICS, IOB, UNPAZ, halibur hamutuk iha kampus UNTL Liceu, hahú hosi (09:00) otl, hodi hakilar ba Governu liu hosi Ministériu relevante atu labele halo desizaun diskriminativu.

Tuir AUTL Governu labele halo desizaun haketak ba estudante universitáriu rai li’ur no estudante sira rai laran. Tanba ne’e relasiona ho covid AUTL husu ministériu atu label aplika pagamentu propinas ba semester par no impar durante surtu corona iha rai laran.

Antes ne’e Governu liuhosi Konsellu Ministru aprova dekretu governu ne’ebé aprezenta hosi Ministru Negósiu Estranjeiru no Kooperasaun (MNEK) Dionísio Babo Soares, atu regula subsídiu ba estudante naun-bolseiru ne’ebé hela iha estranjeiru tanba situasaun Covid ho kustu hamutuk 500.000 ba estudante na’in 4.233 ne’ebé kada estudante hetan dolar 150 durante fulan 3.(Jornalista: Julio Soares Salinas)

No More Posts Available.

No more pages to load.