Estatutu Militár Foun, Veteranu Bele Asume Kargu To’o Tinan 70

by -63 views

Timor Post (26/08/2020)-Ministru Defeza no Seguransa,  Filomeno Paixão de Jesus, hatete mandatu Xefe Estadu Maior Jenerál Falintil-Forsa Defeza Timor-Leste (F-FDTL), Majór Jenerál Lere Anan Timur, sei hein Prezidente Repúblika  promulga mudansa estatutu Militár nian.

“Seida’uk halo extensaun mandatu señor Majór Jeneral Lere Anan Timur nian, tanba Mudansa iha estatutu Militár, estatutu Militár foun ne’e propoin ba iha veteranus sira bele to’o 70 Anos iha Komandu, ne’ebé agora haruka ona iha ona señor Prezidente Repúblika nia liman, portantu senior Prezidente sei realiza konsellu Defeza Seguransa Nasionál para haree tiha estatutu sira ne’e, i sira fó tiha opiniaun (pareser), Prezidente sei Promulga lai”, dehan Ministru Defeza Filomeno Paixao, ba jornalista iha Palasiu Governu hafoin partisipa reuniaun Konsellu, kuarta,(26/08).

 Governante ne’e garantia katak iha Instituisaun F-FDTL preparasaun ba figura ne’ebé atu troka Majór Jenerál Lere, lafalla, jerasaun preparadu ona atu substitui bainhira mandatu Lere remata.(Jornalista: Jaime Pires)

No More Posts Available.

No more pages to load.