Estadu Sei fó Rai no Uma ba Sidadaun

by -600 views
Manuel Cárceres da Costa

DILI (Timor Post)—Governu liuhusi Ministériu Justisa sei atribui rai no uma ba sidadaun sira ne’ebé durante ne’e hela no selu arendamentu ba estadu ho disiplina.

“Rai no uma estadu ne’ebé sidadaun sira okupa, barak mak iha kontratu de arandementu ho estadu, liuliu kontratu kona-bá rezidénsia kuaze iha rihun tolu liu,” Ministru Justisa, Manuel Cárceres ba jornalista sira iha Kuartél Jerál F-FDTL, Fatuhada, Sesta (20/08)

Cárceres dehan, estadu iha obrigasaun atu tau matan ba sasán sira estadu nian no sasán abandonadu ne’e hanesan propriedade estadu nian, signifika estadu mak tenke administra.

Nia esplika, lei númeru 13/2017 fó dalan katak loron ruma estadu sei atribui fali rai ka uma estadu nian ba sidadaun sira ne’ebé iha dixiplina selu arendamentu.

“Ami prepara ona dekretu lei balu, hodi fó garante katak ba sidadaun sira ne’ebé selu dixiplina, loron ruma sei sai nian ba rai ka uma, maibé ba sira ne’ebé la selu nunka nakfila ba sira nian,” governante ne’e hatutan.

Lei premite ba sidadaun ne’ebé selu taxa uma estadu, boot liu hosi valór osan U$30.00 no ki’ik liu mak U$10.00 kada fulan iha territóriu Timor laran tomak. (jxy)

No More Posts Available.

No more pages to load.