Estadu-Governu La Mai Vizita Dom Bazilio Nia Mate Isin Iha HNGV

by -855 views
Bispu Diocese Baukau, Don Basílio do Nacimento Martins,Pr

(Jornalista Jaime Pires/Editor Suzana Cardoso)

DILI (Timor Post) – Hafoin mate isin Bispu Diocese Baukau, Don Basílio do Nacimento Martins,Pr hasai hosi Intensive Care Unit (ICU) muda ba mortuariu, membru Estadu, Governu nomos Parlamentu Nasionál, la mai vizita.

Lee Notísia Relevante: Kronolojia Bispu Dom Basílio Hakotu Is

Tuir observasaun Timor Post iha mortuariu HNGV, Amu Bispu Basílio nia mate isin muda ba Sala ICU iha tuku 12:00 meudia mai iha sala mortuariu maibé laiha membru Estadu, Governu no Parlamentu ida mak mai vizita.

Lee Notísia Relevante:Diretór Klínika HNGV Esplika Prosesu Fo Salvasaun Ba Dom Basílio

Iha HNGV, Amu Basílio nia isin tau ona iha Mortuariu kuaze oras lima ona.No hetan deit vizita husi parte ingreja no sarani sira kontinua reza iha Sala mortuariu.

Enkuantu iha vizita ne’e, Komadante PNTL Munisípiu Dili Superentendente Xefe Henrique da Costa mak mai vizita, inklui mós Komisariu Komisaun Anti Korupsaun (KAK), Jergio Hornai mak mai vizita.

Lee Notísia Relevante:BREAKING NEWS:Amu Basílio Hakotu Is

Maibé laiha reprezentante ruma husi orgaun haat hanesan, Estadu, Governante, Parlamentu no Tribunal ida mak mai vizita Dom Bazilio nia mate iha sala Mortuariu.

Fó hanoin katak, Mate isin dadaun ne’e seidauk lori sai husi Sala Mortuariu (HNGV) tanba sei hein Amu Bispu husi Dioseze Maliana, Don Norberto Amaral, to’o mak foin lori sai ba tau iha Igreja Katedral, hafoin kontinua planu ba prosesu funebre nia.(***)

No More Posts Available.

No more pages to load.