Embaixadór Masami ho ONG-FRONTLINE Asina Akordu Apoiu Setór Saúde iha Ermera

by -390 views

Timor Post (09/02/2021)—Embaixador Japaun iha TImor Leste Masami Kinefuchi ho Organizasaun Naun Governamental (ONG) FRONTLINE ne’ebé durante ne’e hala’o serbisu ba projetu saúde inan ho oan, asina akordu kona-ba apoiu setór saúde iha Munisípiu Ermera.

Apoiu ne’ebé fornese hosi Governu Japaun ba projetu melloramentu saúde reprodutiva, maternal no neonatal no infantil (RMNCH), apoiu ne’e mós hanesan sentidu solidariedade atu haforsa, hametin no mellora Sistema Nasionál Saúde ho objetivu prinsipal mak atu hadi’a Timor-Leste (TL) nia saúde, moris di’ak iha Munisipál, Postu Administrativu, Suku no Aldeia, partikularmente iha Munisipiu Ermera.

Vise-Ministru Saude (VMS) Bonifácio Mau Coli dos Reis partisipa iha serimónia asinatura ne’e.

VMS iha diskursu konsidera no rekoñese kolaborasaun no koperasaun hamutuk, ho parseiru dezemvolvimentu parte interesadu ajensia nasoens unidas. Alkansa misaun, vizaun no metas ne’ebé define ona iha Planu Estratéjiku Dezemvolvimentu Nasional Setór Saúde (PENSS) 2011-2030.

“PENSS hatur ona motto populasaun Timor-Leste Saúdavel, iha Timor Leste ida ne’eb’e Saúdavel. Ho nune’e programa VIII Governu konstitusional iha komprimisu mellora prestasaun no asisténsia kuidadu saúde iha teritóriu laran tomak,” subliña VMS Bonifácio iha komunikadu ne’ebé fó sai iha Pájina Facebook Palácio das Sinzas, hafoin asina akordu hala’o iha loron 08/02/2021.

VMS rekoñese Governu Japaun fó apoiu barak ba TL iha area oin-oin, iha parte infra-estrutura saúde liuhosi asisténsia finanseira ba projetu seguransa humanu. No halo konstrusaun ba rezidénsia profesionál saúde iha munisipál ba reabilitasaun sala departamentu balun, iha Óspital Nasional Guido Valadares (HNGV).

Nomós konstrusaun ba rezidénsia profesionál saúde iha Munisipiu balun hanesan iha tinan 2017 , konstrusaun Postu Saúde Bua-nurak, Suku Osurua Postu Administrativu OSSU, Munisipiu Viqueque. No Tinan 2017 hala’o tan konstrusaun rua iha Munisipiu Ermera, Maliana no Suai.”

“Bazeia ba dadus MS no peskiza demografia saúde, TL tinan 2016 hatudu katak ita-nia taxa kobertura ligadu ba prestasaun kuidadu saúde sei menus. Liuliu ita haree iha kuidadus ante-natal partus no post-partus, taxa fertilidade no mortalidade sei aas, hakarak ilustra tan katak, saúde maternal no infantil sai nafatin dezafius ba susesu.

Kobertura ba imunizasaun bázika maka, 31% ki’ik liu kompara ho Nasional 49%, 40% labarik ho idade fulan 6-59 mezes mak sofre alementasaun.

MS presiza serbisu maka’as hodi bele hadi’a indikador dezempeñu sira-ne’ebé ha’u temi ona iha leten, maibé atu alkansa susesu, MS la serbisu mesak, maibé presiza nafatin apoiu.

Hosi parseiru dezemvolvimentu sira, ajensia nasoens unidas, sosiedade sivil, igreja ba parte hotu-hotu. Liuliu involvimentu inan feto ida, tanba sira mak primeira liña ba dezemvolvimentu no kresimentu labarik sira iha future,” tenik VMS. (*/cao)

No More Posts Available.

No more pages to load.