Ema Oho Veteranu Lemorai iha Laga, Polísia Kaptura Família Na’in-Tolu

by -4.562 views
Imajen ne'e hatudu Veteranu Lemorai hatais farda iha Ailaran durante luta ba Libertasaun Nasional. No foto seluk hatudu matebian latan hela bainhira hetan oho. Foto Espesial

Jornalista Jaime Pires – Caetano Guterres / Editór Noémio Falcão

DILI (Timor Post)—Veteranu Celestino Ximenes “Lemorai” hetan oho iha Areia Irabu-Suku Tekinomata, Postu Administrativu Laga, Munisípiu Baukau, Kinta kalan (14/10/2021).

Motivu husi kazu ne’e Timor Post seidauk konfirmadu, maibé tuir informasaun deskonfia família sira maka oho.

Lee Notísia Relevante: Kronoloja Família Hosi Feen Oho Veteranu Lemoraihttps://timorpost.com/kronolojia-familia-husi-feen-oho-veteranu-lemorai/

Jornalista Timor Post iha Baukau informa, polísia kaptura tiha ona ema na’in-tolu nu’udar família husi matebian nia ferikoan nian hodi halo investigasaun.

Entretantu hodikalan Maun husi matebian ho naran António Ximenes via telefone ba Timor Post hatete, nia rasik rona Lemorai nia banin ho rian maka oho.

“Sim, ami mós foin rona dehan, nia Banin ho nia Rian mak oho, maibé informasaun klaru ami seidauk rona loos,” António Ximenes.

António dehan, to’o matebian hakotu iis hela ho nia kaben iha Boleha-Laga.

Akontesimentu ne’e, Timor Post tenta konfirma ho Komadante Polísia Nasionál Timor-Leste (PNTL), Munisípiu Baukau, Superentendente Xefe Armando Monteiro maibé la atende telefone.

Enkuantu Matebian Celestino Ximenes, koñesidu ho naran “Lemorai” hanesan mós Komadante ida husi organizasaun CPD-RDTL.

No More Posts Available.

No more pages to load.