Ema Na’in-Tolu Mak hili Rui Gomes Troka Fernando Hanjam

husi -37 views

Timor Post (18/11/2020)—Kandidatu ba Ministru Finansas iha Governu Daualu, Rui Gomes hasoru malu ona ho Primeiru Ministru Taur Matan Ruak hodi ko’alia kona-ba serimónia tomada de posse ne’ebé sei hala’o iha Segunda (23/11/2020).

Hafoin sorumutu, Rui Gomes ba Jornalista sira haktuir, Primeiru Ministru Taur Matan Ruak, Prezidente Republika, Francisco Gutered Lu’olo no Sekretáriu Jerál Partidu FRETILIN, Mari Bim Amude Alkatiri mak hili nia troka Ministru Finansas, Fernando Hanjam.

“Ha’u mai enkontru ho Primeiru Ministru kona-ba serimonia tomada de posse iha segunda feira” Rui Gomes dehan ba jornalista sira iha Palásiu Governu, Dili, Kuarta (18/11/2020).

Nia subliña, rajaun mudansa ida ne’e tanba Fernando Hanjam iha problema saúde.

“Ba pais ida ne’e no ba povu ida ne’e no mós ba ita nia ekonomia ita tenke prontu,” eis Ministru Finansas iha governu dahitu ne’e hatete. (Jornalista: Jaime Pires)