Ema Konsidera Liurai Harry Hipócrita

by -145 views

JAKARTA – Liurai Harry tenke enfrenta ho públiku iha Inglaterra hafoin fó kontente ba nia feen Meghan Markle. Iha viajen sira nian durante loron 11, Harry ho Meghan hili uza sira nia jet privadu.

Lolos ne’e konselleiru sira fó ona hanoin ba Harry maibé nia la preokupa afinál serimónia ne’ebé sira ba asiste Google Climate Change.

“Liurai la rona no sira ba nafatin ho aviaun. Tanba ne’e sai boomerang ba liurai rasik,” fonte ida mak hatete ba The Sun.

Hafoin ne’e, liurai Harry mos nafatin ho jet privadu ba selebra nia kaben Meghan Markle nia tinan ba dala 38 iha Ibiza. Hafoin ne’e sira ba ferias iha Fransa iha fatin luxu ho naran Elton John ho sira nia oan dahuluk, Archie.

Tanba akontesimentu hirak ne’e, liurai Harry ema konsidera hipócrita (munafik), inklui aprezentadór ida iha televizaun Piers Morgan.

Iha entrevista ida, Harry hatete, razaun sira uza jet privadu tanba kestaun seguransa ba nia família. Maibé iróniku maka Liurai William, Kate Middleton ho sira nia oan marka mos prezensa iha serimónia hanesan sa’e de’it aviaun komersiál iha tempu ne’ebé hanesan. (detikHot.com)