Ema Harahun Janela Kapela no Sunu Uma Laku Kruz Joven iha Suku Mindelo

by -129 views

Timor Post (04/03/2021)—Komunidade ida ho naran inisiál SDC harahun Janela haat iha Kapela no sunu uma laku ne’ebé tau illas Kruz Joven nian iha Suku Mindelo, Postu Administrativu Turiskai, Munisípiu Manufahi.

Akontesimentu ne’e mosu hodikalan maizumenus tuku 10.

Komunidade konsege kaptura kedas autór ne’e hodi entrega kedas autoridade polísia no lori ona Postu Polisia Turiskai hodi submete ba investigasaun.

Xefe Suku Mindelo,  Mateus da Silva haktuir, SDC moras mental.

“Sidadaun moras mental ne’e baku rahun janela haat (4) no odamatan tan, maibé baku la konsege rahun, sunu uma laku ne’ebé leten taka ho natais no la didin hanesan fatin tau ilas kruz,” Xefe Suku haktuir ba Timor Post via telefone, ohin dader.

Jornalista Luis Casimiro Lopes

Editór Noémio Falcão

No More Posts Available.

No more pages to load.