Ema Deskoñesidu Soke Mate Afonso

by -295 views

DILI (Timor Post)— Ema deskoñesidu soke mate Afonso, iha Suku Tibar, Postu Administrativu Bazartete, Munisípiu Likisá.

Xefe Suku Tibar Bento da Conceição, hatete Afonso nia mate isin komunidade hetan iha oras tuku 8:00 dadeer iha mota laran besik ho institutu bamboo IP nia oin.

Tuir kronolojia versaun Bento nian, katak ema soke tiha horikalan, depois estudante sira ba eskola maka hetan hodi informa ba Xefe Suku no polisia sira.

Bento deskonfia, Afonso mate ho soke, tanba matebian hetan kanek iha parte ulun no kotuk laran.

Ema kala soke tiha horikalan (12/08-red) estudante sira ba eskola maka hetan, labarik sira hatete fali joven ida maka hodi telefone ba ami no hodi polisia ba haree,” nia hatete via telemovel, sesta (13/08).

Nia informa, daudaun ne’e mate isin entrega ona ba parte polisia no lori ba hospital hodi halo autópsia.

“Agora ba tiha ona iha hospital hodi halo autópsia, Afonso hetan soke, ulun fatuk no kanotak soke hosi kotuk,” nia hatete.

Ikus nia dehan, matebian hanesan seguransa ida iha fatin balun, ho idade kuaze 40, kaben-na’in ho oan na’in-lima, hela iha aldeia Libalelo, Suku Tibar. (ven)

No More Posts Available.

No more pages to load.