Timorpost.com I NASIONAL-Lider boot hosi Partidu Kmanek Haburas Unidade Nasionál Timoroan (KHUNTO), Jose Naimori Bucar, husu deskulpa ba Prezidente CNRT, Kay Rala Xanana Gusmão no Prezidente Repúblika José Ramos Horta.
“Ami hato’o ba media, ami lori partidu KHUNTO nia naran husu deskulpa ba kampaña durante ne’e, Ami ko’alia liafuan ne’ebé todan la monu ba ami nia aman sira ninia laran” deklara Lider Supremu ne’e iha ámbitu enseramentu Kampaña nasionál iha tasi tolu, Dili, Sesta 12/05/2023.
“Ba Aman Xanana, Veteranu hotu-hotu, maun Ramos Horta, ita boot sira fó liberdade mai ami, ami mós lakohi halo partidu lakon. Mas dala ruma ami nia lia fuan ruma todan, ha’u rasik husu deskulpa ba ha’u nia maun sira hotu-hotu” reafirma nafatin Naimori.
Nia dehan, tanba iha tempu liberdade ba iha polítika, KHUNTO mós ko’alia oinsá hafanun hodi liberta povu ho di’ak.
“Maun sira bele hirus ha’u, ha’u imi nian alin imi nia oan” sita konsellu másimu Partidu KHUNTO.
13,876 total views, 12 views today
