DILI—Portavós kampaña Partidu CNRT, Tomas Cabral, informa ba públiku eleitoradu sira katak, bazeia ba karta pedidu husi Partidu FRETILIN iha loron 20, fulan Abríl, tinan 2023 ho númru referéncia 37/SNCCF/2023, nune’e mos pedido opiniaun mai husi CNE kona-ba asuntu debate markadu ba loron 22 Abríl 2023.
Tuir Komunikadu ne’ebe Timor Post asesu, Kuarta (26/04), Prezidente CNRT hato’o hanoin hirak tuir mai
- Husu deskulpa ba CNE tanbá konsidera katak iha períudu kampaña eleitoral Partidu CNRT sei laiha tempu ba debate espesifiku kona- ba asuntu fronteria marítimu no Ró Haksolok,
2.Fronteria marítima asina ona husi 7 Governu iha ONU nomos Ratifika ona iha PN no partidu FRETILIN deklara ona ninia votu kontra ba tratadu Fronteira Máritima ho nia anexu sira.
- Molok atu asina no ratifika prosesu fonteira marítima, iha tempu ne’eba Primeiru Ministru Rui Maria de Araujo sempre konvoka enkontru alto nível Estadu nian hodi hato rejultado negosiasaun kona-ba fronteira marítima;
- Ro haksolok la iha ona oportunidade atu diskute tambá prosesu investigasaun lao ona iha CAC ho Ministériu Públiku, tambá ne’e sei la iha debate apropriadu ba matéria referida, tambá, se lae, itainfluénsia opiniaun públika hodi divulgas segredu justisa.
5. Tema debate kona-ba fronteira marítima no ró haksolok sei hala’o iha Tribunal, tambá nia maka iha kompeténsia atu foti desizaun.
Ikus liu, P.CNRT nafatin husu ba militante, simpatizante, apoiante sira atu mantem iha klima de ordem no paz durante períudu kampaña eleitoral nia laran, hodi respeita ita nia adversáriu polítiku sira, atunune’e ita bele fo valor ba demokrasia ne’ebé hahuburas iha ita nia rai doben, Timor-Loro Sa’e.
10,310 total views, 3 views today
Bele hare Video Seluk :