Eleisaun Segunda Rounde, Estrutura Khunto Sei Tur Hamutuk Foti Desizaun

by -2.238 views
Vice Prezidente Khunto, Luis Roberto, Imajen Esp

(Reportajen Estajiádu Mariano Abi/ Asistente Editor Hermenegildo da Costa Tilman)

Dili (Timor Post)–Vice Prezidente Partidu Kmanek Haburas Unidade Nasional Timor Oan (KHUNTO), Luis Roberto, hatete, to’o agora estrutura partidu Khunto seidauk deside atu apoiu ba kandidatu Ramos Horta ou Lú Olo.

“Ami sei tuur hamutuk ho estrutura tomak, lideransa partidu nian, maka foin foti desizaun atu apoiu kandidatu ida ne’ebé,” nia dehan ba jornalista sira iha Parlamentu Nasional, tersa (22/03).

Nia hatete, iha eleisaun ne’ebé de’it desizaun ikus iha povu nia liman, povu maka termina se maka bele avansa ou lae, maibé ba Khunto importante liu autoridade implementador eleisaun tenke esforsu oinsá hasa’e liután taxa partisipasaun povu nian iha eleisaun tanba eleisaun foin daudaun ne’e partisipasaun povu menus liu.

“Antes tama ba segundu ronde husu ba STAE para hadi’a sira nia sistema anuzativu ne’e hodi la fó impaktu ba partisipasaun povu nian hodi ba votu, tanba atu determina ba iha see mak atu eleitu ne’e fila fali ba povu,” nia hakotu. (Lee Notísia Seluk Iha Jornál Timor Post/Asesu YouTube Timor Post)

No More Posts Available.

No more pages to load.