Eleisaun Prezidensiál 2022: Koligasaun Partidu Haat Prepara Kandidatura

by -1.499 views
Egídio de Jesus

Jornalista Jaime Pires / Editór Noémio Falcão

DILI (Timor Post)—Partidu haat inklui PLPA, PDP, APMT no Frente Mudansa sei halo koferénsia nasionál hodi deside sira nia kandidatura ida ba kompete iha eleisaun prezidensiál ba periodu 2022-2027.

“Ami sei halo koligasaun no koligasaun ne’e sei hanaran FDDP, atu lidera ho konviksaun, ami sei halo konferénsia nasionál ida hodi fó sai ami nia kandudatura,” Prezidente Interinu Partidu Frente Mudansa, Egídio de Jesus ba Jornalista sira hafoin enkontru ho Prezidente Parlamentu Nasionál, Aniceto Guterres, iha Parlamentu Nasionál, Tersa (09/11/2021).

Egídio subliña, nia parte halo preparasaun namanas ba konferénsia nasionál no públiku sei hatene kandidatura ne’ebé sira konfia manan iha eleisaun prezidensiál.

Nia hatutan, loloos prosesu ne’e la’o tiha ona maibé tanba impaktu husi estadu aplika konfinamentu obrigatóriu no serka sanitária halo sira sente tama iha garfaun laran.

Nia dehan, Frente Mudansa involve iha koligasaun ho naran FDD, maibé tanba partidu UDT, PUDD no PDN halai keta-ketak maka Frente Mudansa hili dalan foun.

Egidio hatete, preparasaun ba deside kandidatura ba eleisaun prezidensiál seidauk tarde tanba Prezidente Repúblika mos seidauk deklara data eleisaun.

“Maibé partidu lubun ida ona mak sai mai hamutuk ho ita atu kompete iha eleisaun prezidensiál ne’ebé mak sei akontese iha tinan oin ne’e,” Egídio komenta.

No More Posts Available.

No more pages to load.