Eleisaun ba Kandidatu Konsellu Imprensa re-Ajenda  Iha PN 

by -142 views

Timor Post (08/01/2021)-Pendente kleur ona, Parlamentu Nasionál Sesta (8/1) konkorda realiza fali plenária hodi halo eleisaun ba membru konsellu imprensa iha loron Segunda feira dia 11 Janeiru 2021, ne’ebé antes ne’e atu halo iha loron 16 fulan Setembru 2020.

                “Ita sei halo eleisaun ba membru konsellu imprensa iha loron 11 fulan Janeiru ne’e, tanba asuntu ida ne’e pendente kleur ona”, informa deputada Porta Voz PN, Lidia Norberta liuhosi Konferénsia iha sala konferénsia parlamentu nasionál, Sesta (08/01).

Deputada Fretilín informa, meja PN husu ba Bankada sira atu prepara sira nia lista kandidatura, tuir lei no 5/2014 Komunikasaun sosiál, artigu 45, Parlamentu Nasionál hodi hili ema na’in rua ba membru Konsellu Imprensa, hosi ema na’in rua ne’e obrigatoriamente ida tenke Jurista.

 Kandidatu sira propoin ona hosi bankada parlamentár, CNRT propoin Expedito Loro Dias Ximenes, Fretilín propoin Paulo Adriano da Cruz, PLP propoin Jordão Anteru Marques Henrique, no UDT/FM propoin Deonaia da Silva Prego.

Jornalista: Julio Salinas Soares

Editor: Mariano Martins

No More Posts Available.

No more pages to load.