DILI (Timor Post.com)—Universidade Nasionál Timor Loro Sa’e (UNTL) liu husi Fakuldade Ekonomia no Jestaun (FEG), Departamentu Siénsia Ekonomia (DSE) realiza semináriu ho tema “Prosesu Dezenvolvimentu Aspetu Ekonomia Agríkola Iha Timor-Leste”.
Prezidente Komisaun Organizadór ba semináriu nasionál, Evangelino Afonso Cardozo hatete, objetivu husi semináriu ne’e atu kompleta fali matéria iha semester ualu (8) nian no intensaun seluk oinsá maka promove fali ita nia produtu agríkola bele aumenta tanba agora TL hola parte hela iha krize ekonomia rai laran ligadu ba hahán lokál ameasa.
“Los dunik, substánsia husi semináriu ne’e atu kompleta matéria ida naran, Polítika Ekonomia Agríkola ba semester 8 nian no mós oinsá mak bele Haforsa Setór privadu ba Dezenvolvimentu Ekonomia Timor-Leste, ida ne’e importante tebes. Tanba Timor-Leste, área potensiál batar iha 215.747 ton no haree iha 80.578 ton. Iha área koletivu ne’e, batar 36.417 ton no hare iha 37.696 no área koleta, batar iha 34,691 ton no hare 34,661 ton no produtividade ne’e, batar 2.4 ton no hare iha 4.1 ton, hafoin ninia produsaun ne’e, batar iha 86,037 ton no hare iha 143,006 ton.. Nia hateten ba Timor Post iha Kampus UNTL, Ekonomia (18/11).
Dadus hatudu ita-nia área potensiál, area kultivu, produtividade no produsaun ai-han to’o iha tinan 2022 laiha aumentu signifikativu. Hosi rezultadu ne’e hatudu katak maske iha área potensiál boot atu hasa’e produsaun ai-han iha rai-laran, maibé seidauk utiliza no dezenvolve didi’ak inklui investe maximál ba hasa’e produsaun batar no hare inklui produtu ai-han sira seluk, maske iha área poténsia ne’ebé boot maibé área kultivu no área koleta kiik-liu.
Entretantu oradór ba semináriu ho tema “Prosesu Dezenvolvimentu Aspetu Ekonomia Agríkola Iha Timor-Leste” iha nain tolu hanesan, Ministru Agrikultura Pekuária Peska no Floresta, Ministru Komérsiu no Indústria inklui Ministru Turizmu.
Atividade ne’e rasik hetan partisipasaun husi estudante Fakuldade Ekonomia no Jestaun (FEG), Departamentu Siénsia Ekonomia (DSE), dosente inklui oradór na’in tolu.
663 total views, 12 views today
Bele hare Video Seluk :
Subscribe to Timorpost
