ADVERTISEMENT

Komunidade Noeninen Kestiona Polítika ba Programa Food For Work

Orlando Oqui - Ekonomia · Raeoa
Editor : Orlando Oqui
  • Share
Komunidade Noeninen. Foto Media RCAL

OEKUSI (timorpost.com) – Komunidade Noeninen, sub-rejiaun Pante-Makasar, Rejiaun Administrativa Espesiál Oe-cusse Ambeno (RAEOA) kestiona polítika autoridade RAEOA nian kona-ba programa Food For Work.

Tanba iha tinan 2021, Autoridade RAEOA haruka komunidade sira hadi’a estrada kuaze kilómetru ida resin atu fó apoiu foos ba kada família hodi hetan saku ida, maibé to’o ohin loron seidauk realiza apoiu foos ba komunidade iha Noeninen.

ADVERTISEMENT
SCROLL FILA BA NOTISIA


Atividade hadi’a estrada ne’e hanaran programa Food For Work ne’ebé mak iha tinan 2021, ne’ebé organiza hosi Sekretáriu Rejiaun ba Asuntu Edukasaun Solidariedade Sosiál iha RAEOA.

Reprezentante komunidade Noeninen, Jelia da Cruz nu’udar portavós, hatete nia parte sente triste tebes kona-ba atitude Autoridade RAEOA nian, tanba komunidade kumpre ona sira devér hodi hadi’a estrada rural sira kuaze kilómetru ida resin, maibé autoridade RAEOA seidauk fó apoiu ba komunidade sira.

“Ha’u sente triste tebes, tanba ami hadi’a estrada ne’e hahú husi eis-merkadu Tono ba Kiumina kuaze kilómetru ida resin iha tinan 2021. Depois ami servisu hotu ona ami ba hasoru Sekretáriu Terras no Sekretáriu Rejiaun Edukasaun Solidariedade Sosiál, maibé sira dehan foos iha armazein laiha ona, tanba ró mós seidauk lori foos husi Dili ba Oe-cusse,” Jelia hateten liuhosi konferénsia imprensa ne’ebé Timor Post asesu liuhosi RCAL, Segunda (01/06).

Nia afirma liután katak, atividade ne’e iha tinan 2021, tanba saida mak agora tama ona ba tinan 2023 maibé komunidade sira seidauk hetan apoiu ne’e.

“Sei foos laiha karik lalika mai bosok ami,” Portavós ne’e hateten tan ho lian maka’as.

Iha sorin seluk, Julio de Carvalho, hatete nia parte hodi husu ba autoridade RAEOA atu fó apoiu ona foos ba komunidade sira ne’ebé hadi’a ona estrada, maibé bainhira parte autoridade seidauk fó foos ne’e entaun komunidade sira iha fatin refere sei kontinua ezije para fó apoiu foos ba komunidade sira.

Hatán ba preokupasaun ne’e, Xefe Departamentu Lojístika iha Sekretáriu Rejiaun ba Asuntu Edukasaun Solidariedade Sosiál RAEOA, Januáriu Nesi, hatete, kona-ba programa Food For Work iha 2021 ne’e komunidade hadi’a estrada, hadi’a lutu no mós hadi’a eskola atu fó apoiu foos ba sira, maibé grupu barak maka seidauk hetan apoiu, la’ós komunidade Noeninen de’it, tanba foos iha armazein mamuk.

“Problema ne’e la’ós iha Noeninen de’it, kuaze grupu barak maka seidauk hetan apoiu, tanba ami hein katak, stock foos foun kuandu mai, entaun ami sei fó apoiu ba sira,” nia esplika.

Enkuantu, iha tinan 2022 Prezidente Autoridade RAEO), Arsénio Paixão Bano hamutuk ho Sekretáriu Rejiaun ba Asuntu Edukasaun Solidariedade Sosiál, Abelina da Costa, konsege halo foos tonelada ida fuhuk de’it iha armazein laran.

 1,887 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Komunidade Noeninen Kestiona Polítika ba Progra…” A few seconds ago
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: