ADVERTISEMENT

Selebra Natal, Xanana Promove Katupa Iha Maloa 

Mario da Costa - Ekonomia
Jornalista : Beatriz Belo
Editor : Mário da Costa
  • Share
Lider Karizmátiku Kay Rala Xanana Gusmão, Sosa hela katupa iha Maloa, Sábadu (24/12), Imajen TP/Beatriz Belo

Dili (timorpost.com) – Relasiona ho selebrasaun loron Natal, Lider Karizmátiku, Kay Rala Xanana Gusmão, halo promosaun ba Negosiante sira ne’ebé fan Katupa iha estrada ninin iha area Ponte Maloa, Bebora.

“Ha’u husu ba komunidade no sidadaun sira se mak hakarak mai hola Katupa, mai de’it iha Ponte Maloa Bebora nian, tanba iha ne’e fan Katupa, Naan, no seluk-seluk tan”, nia hato’o lia hirak ne’e ba Timor Post hafoin nia hola negosiante sira-nia katupa no naan iha area Maloa, Bebora, Sábadu (24/12).

ADVERTISEMENT
SCROLL FILA BA NOTISIA


Lee Mós :
Xanana Gusmão ho Embaixadora Canada Diskute Kooperasaun Servisu

Nia dehan, loron boot mak ohin nia parte tun direita hodi haree komunidade sira fan iha estrada ninin, no hola sira-nia sasán balun.

Enkuantu tuir observasaun Online Timor Post, Lider nasaun ne’e tun ba hola sasán, iha oras tuku 11: 00 liu.

Intensaun hosi ida ne’e, atu haree direita mós nia emar sira ne’ebé moris ho vida negosiu.

Lee Mós :
BNCTL Lautem Konsideradu Halo Atendimentu Ladi’ak

Nune’e iha ne’ebá mós, Lider konesidu ho naran Avó Nana ne’e observa negosiante sira-nia sasán, au-mezmu tempu fahe mós osan ba inan-ferik sira ne’ebé hakdasak iha estrada ninin hodi fan sasán.

Iha fatin hanesan negosiante nuu, Judit Nasimento, sente kontente tanba loron boot konsege hasoru Líder Kay Rala Xanana Gumão, hodi fahe osan ba sira.

“Ha’u kontente loos, tanba primeira-vez iha tinan ida ne’e hasoru avó Nana, hodi fahe osan ba ami, maski osan ho montante ki’ik, maibé ami simu ho lima rua, tanba bele ajuda ami hodi hola hahán iha loron boot ida ohin, tanba ne’e ami kontente loos no agradese,” nia hakotu.

 2,306 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Selebra Natal, Xanana Promove Katupa Iha Maloa “ A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No