ADVERTISEMENT

Janeiru 2023, Aviaun Aero Dili Tama Timor-Leste

Mario da Costa - Ekonomia
Jornalista : Mariano Abi
Editor : Mário da Costa
  • Share
Lourenço Oliveira, imajen TP/Mariano Abi

DILI (timorpost.com) — Diretór Empreza Aero Dili, Lourenço Oliveira, Sesta (16/12), informa ba Prezidente Repúblika (PR), José Ramos Horta, kona-ba preparasaun aviaun Aero Dili nian.

“Ha’u informa ba Prezidente kona-ba preparasaun aviaun Aero Dili nian ne’ebé iha Janeiru prevista atu tama mai ne’e, hotu halo mós operasaun ba Internasionál,” nia hateten hafoin enkontru ho Xefe Estadu iha Palásiu Prezidensiál, Bairru-Pité.

ADVERTISEMENT
SCROLL FILA BA NOTISIA


Nia dehan, Xefe Estadu atu bele tuir inaugurasaun, tanba uluk komesa mós Prezidente Repúblika atuál mak ba halo ho batalla, nune’e agora mós ohin konvida nia (Horta) atu halo.

“Husi ne’e, Prezidente disponível prontu atu ba iha fulan Janeiru tinan 2023, kona-ba loron seidauk fixu tanba, ha’u mós sei preparasaun barak, tan ne’e karik besik ona mak fó hatene,” Diretór Lourenço realsa.

Nia aumenta, iha Aero Dili ninia voo ne’e mós ohin Xefe Estadu husu ba nia (Lourenço), nia responde dehan, sei halo rota Primeiru ba fatin tolu ne’ebé hanesan Timor-Leste iha ona akordu ho nasaun sira seluk ne’ebé semo mai iha Timor.

Lee Mós :
Ekipa SJKMMD Prende Animal Husik Livre iha Sidade Dili Laran

“Tanba ne’e, Prezidente apresia teb-tebes inisiativa ida ne’ebé ita halo iha ita-nia rai, ita mós bele semo ho ita-nia Bandeira rasik, aviaun rasik iha nasaun seluk hanesan, Dili-Singapura, Dili-Australia, Dili-Indonézia no hanesan agreement ne’ebé ita iha ona ho nasaun sira seluk, sira bele semo ita mós bele semo,” nia dehan.

Iha fatin hanesan Xefe Estadu, José Ramos Horta haktuir “Lourenço Ataúru” ema ida Timoroan, emprendedór ho inisiativa ho korajen no kbiit sempre buka halo komtribui ba ekonómia.

PR Horta aumenta, Lourenço halo negósiu haki’ak boek iha Ataúru, ne’e nia (Horta) bá vizita, Lourenço uluk mak iha ró Ataúru Expres, Aviaun ida Oferese ba F-FDTL, Aviaun ida halo ligasaun depois monu.

Lee Mós :
AMD Planeia Sosa Ekipamentu Modernu

“Nune’e nia agora halo kontratu ho kompañia boot para aviaun boot mai, Prezidensiál apóiu 100%, ne’ebé tuir resonsolida Prezidente nian, Governu mak tenke haree insentivu, insentivu saida maka Governu bele haree,” nia hateten.

“Dala-ruma ita rona Bilete husi ne’e ba Darwin ho Singapura karun teb-tebes, karun tanba konbustivel aviaun nian la’ós konbustivel karreta nian, mais ne’e konbustivel espesiál,” Xefe Estadu akresenta.

PR Horta subliña, Konbustivel ba mina nian iha Dili ne’e todan liu duké mina iha Singapura no Kulaw Lumpur, todan dala rua kedas hanesan 200% dobru, portantu liu tan.

“Tenke haree mós kuandu aviaun ne’e para iha ne’e, klaru ne’e hanesan parking selu, mais se aviaun ita nian ou tanba kompañia ne’e ita nian sei rejistu iha ne’e, aviaun ne’e aluga osan boot halo lijing la sosa, lijing mak di’ak liu duni,” PR Horta dehan.

Lee Mós :
Ukun Na'in La Barani Ezonera Diretór SNI

Portantu aviaun ne’e sira nian, mais nia la’ós na’in ba aviaun ne’e, mais ne’e di’ak liu tanba sira kompañia na’in mak halo manutensaun, atividade fó Pilotu entaun ulun fatuk moras.

“Maiz ou menus kompañia nian duni fó eskritoriu Country iha Dili, la’ós hanesan sira seluk, mais se kria ema ruma iha ne’e, entaun Governu tenke haree duni, oinsá fó intensivu. Ha’u sei ko’alia ho Primeiru Ministru, Ministériu Finansas para haree fó duni insentivu ba investidór ida hanesan Lourenço Ataúro ne’e, nune’e ha’u konfirma aviaun ba ne’ebé, tan ne’e nu’udar Prezidente ha’u sei fó instrusaun halo viajen ruma uza aviaun Timoroan nian,” Xefe Estadu hakotu.

 1,603 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Janeiru 2023, Aviaun Aero Dili Tama Timor-Leste” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No