ADVERTISEMENT

MOP Ensera Programa R4D-SP no Inaugura Edifísiu Foun DNEPCC

Mario da Costa - Ekonomia
Reportajen : Mariano Abi
Editor : Mário da Costa
  • Share
Ministru Obras Públikas, Abel Pires, ho parseiru sira tesi fita ba edifísiu foun DNEPCC, Sesta (02/12), Imajen TP/Mariano Abi

DILI (timorpost.com) — Ministériu Obras Públiku (MOP) Sesta (02/12) halo enseramentu ba programa ba programa Estrada Rurál ba Dezenvolvimentu (R4D-SP) no inaugurasaun edifísiu Direcção Naçionál das Estradas, Pontes e Controlos de Cheias (DNEPCC) ne’ebé hetan apóiu finansiamentu husi Governu Austrália ba rekuperasaun kalamidade 4 Abríl 2021.

Tuir Ministru Obras Públiku, Abel Pires da Silva, iha okuziaun ida ne’e, hotu-hotu inaugura edifísiu foun ou fatin ba rekuperasaun kalamidade nian, ne’ebé iha semana rua liu tan sei mai haree katak ida ne’e própriu duni ba staf sira ne’ebé durante ne’e iha ne’e.

ADVERTISEMENT
SCROLL FILA BA NOTISIA

“Ho ida ne’e orgullu boot ida mai ha’u, ne’ebé durante serbisu hamutuk ho ita boot sira, aprende barak husi ita boot sira, hodi oinsá atu serbí ita-nia rai ne’e, lahatene kalan, loron, udan ne’ebé ita boot sira sempre hala’o ita boot sira-nia serbisu,” nia hateten.

Tanba ne’e nia lori Na’i Primeiru Ministru nia naran hakarak hato’o, agradesimentu ba kontribuisaun, nune’e, hein katak, tinan foun sei lori espíritu foun, hodi oinsá serbisu hamutuk bele serbí rai doben ida ne’e.

Lee Mós:
MOP Assina Ona Projetu Ponte Kasnafar no Tau Alkatraun ba Estrada Fatisi To’o Sarlala

“Se ita boot sira sente katak, balu sei falta, balu la loos, ha’u odamatan sei nakloke ba imi,” nia afirma.

Ministru Abel, dehan iha nia diskursu antes atu inaugura edifísiu foun DNEPCC, iha RaiKotu, Komoro. Governante ne’e aumenta, relasiona ohin loron ne’e, durante ne’e sira apóiu husi programa Estrada Rurál ba Dezenvolvimentu baibain sira bolu uza Ingles dehan R4D-SP iha tinan 10 resin.

“Husi ne’e buat barak mak ita aprende husi programa ne’e, ita hetan benefísiu lubuk ida, atinjimentu lubuk ida, nune’e ita agradese ba hotu-hotu nia partisipasaun no kontribuisaun ne’ebé enfelizmente programa ne’e remata iha tinan ne’e,” Ministru Abel dehan.

Governante ne’e subliña, maibé esforsu ba hadi’a estrada rurál ne’e la para, ne’e sei kontinua ho programa seluk ida, maibé mós la hamutuk ona ho Governu Austrália sira agora ne’e, mais sei hamutuk ho parseiru sira seluk.

Iha fatin hanesan, Embaixadór Austrália Interinu, Charge D’Affaires, hatete Governu Austrália sente kontente teb-tebes hodi suporta Governu Timor-Leste nia programa, iha estrada rurál ba dezenvolvimentu.

Lee Mós:
PM Taur 'Hirus' MOP no MPO Sai Impedimentu ba Infraestrutura

“Hahú iha tinan 2012, Governu Austrália fornese ona apóiu ho totál 64 juta Dólar Austrália nian,” Diplomata Australianu ne’e afirma.

Nia subliña, hahú iha tinan 2012 sira hahú halo parseiria ho Governu Timor-Leste no Organizasaun Traballadór Inetrnasionál (ILO), liuhusi sira-nia suporta ba iha programa apóiu ba estrada rurál ou R4D-SP hodi hadi’a rede estrada rurál iha Timor-Leste.

Hanesan hotu-hotu hatene katak, populasaun liuhusi porsentu 29 mak hela iha área rurál, tanba ne’e sira rekoñese katak, estrada di’ak importante tebe-tebes ba dezenvolvimentu iha komunidade rurál.

“Liuhusi programa R4D-SP ita serbisu hamutuk ona, atu haforte kapasidade Instutuisionál ba Funsionáriu hodi bele halo planu maneza no jere hodi halo implementasaun ba projetu estrada ho efisiente no efetivu liu tán,” Embaixadór Austrália ne’e relata.

Nia aumenta, sistema Billaterál ida ne’e atinji ona metas dezenvolvementu ne’ebé indifikante tebes iha komunidade rurál nia leet.

Iha estudu balu hatudu husi R4D-SP, katak estrada ne’ebé di’ak fornese koneksaun ba komunidade rurál hodi bele asesu ba Merkadu, Sentru Saúde no Eskola, ida ne’e siknifika katak, to’os na’in sira bele produs no faan sira-nia produtu barak liután, hodi bele aumenta rendimentu.

Lee Mós:
Governu Aprova Lei Bandu Atividade Peska Ilegal Iha Tasi Timor

“Rezultadu hirak balu mak ita atinji ona, reabilita no hadi’a ona estrada kuaze Kilo Metru 87 ne’ebé bele reprezenta kuaze porsentu 50 husi estrada rurál nian. Halo mós treinamentu ba kontratór ou kompaña lokál hamutuk 370, hodi oinsá bele implementa estrada sira ho seguru, enklusivu no kualidade,” Charge hateten.

Nia haktuir, liuhusi programa R4D-SP, Governu Austrália fornese apóiu finasiamentu ho totál rihun 30 dólar Austrália, hodi suporta ba konstrusaun edifísiu ne’e no mós kompletu ho sasán edifísiu nian, nune’e mós ekipamentu ba IT.

“Ami espera no fiar katak ba iha edifisiu ne’e bele fasilita no suporta ba ekipa kalimidade nian, hodi bele hala’o sira-nia serbisu loron-loron nian ho efetivu liu tan ho espasu ne’ebé sufisiente ba sira hotu, ne’e mak ohin loron ha’u hakarak ita inaugura edifísiu ne’e ba MOP,” nia hakotu.

 1,001 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “MOP Ensera Programa R4D-SP no Inaugura Edifísiu…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: