ADVERTISEMENT

Embaixadór Abel Guterres Lori Investor Hosi Nasaun 5 Hasoru PR Horta

Mario da Costa - Ekonomia · Internasional
Reportajen : Mariano Abi
Editor : Asisten Hermenegildo da Costa Tilman
  • Share
Embaixadór Timor-Leste ba Brunei, Abel Guterres ho investor husi Brunei, Malázia, Singapura, Filipina no Xina, hasoru Prezidente Repúblika, José Ramos Horta, Imajen Esp.

DILI (timorpost.com) — Embaixadór Timor-Leste ba Brunei, Abel Guterres Segunda (14/11), lori nasaun lima (5) kompostu husi Brunei, Malázia, Singapura, Filipina no Xina, hala’o enkontru ho Prezidente Repúblika (PR), José Ramos Horta iha Palásiu Prezidensiál, Bairru-Pité.

“Ohin ha’u lori Investor sira mai husi rai li’ur, sira mai husi organizasaun ida naran Empreza EXÓTICA Unipessoal-Ekoturízmu, sira iha sira-nia rede ne’ebé kompañia sira bele halo investimentu,” Embaixadór Abel dehan hafoin enkontru ho Xefe Estadu.

ADVERTISEMENT
SCROLL FILA BA NOTISIA

Nia dehan, sira mai iha ne’e hasoru malu ho Xefe Estadu, orasida lokraik hasoru malu ho Primeiru Ministru (PM) no mós sei iha oportunidade atu hasoru malu ho Ministru sira seluk.

Lee Mós:
PR Horta Hasoru Malu Ho PM Portugal Ko'alia Adezaun TL ba ASEAN

“Hafoin enkontru Haji Inacir, fó briefing ba Prezidente Repúblika, kona-ba Timoroan sira atu ba serbisu iha Brunei, oras ne’e prosesu ne’e sei la’o hela iha sistema Governu Brunei nian, bainhira sasán kompletu hotu ita-nia ema aviaun Brunei nian sei mai foti iha Timor lori ba serbisu, ne’e hanesan primeira ronda,” Embaixadór Abel afirma.

Agora Timoroan sira ne’ebé tau ona naran halo ona entrevista sira iha ona lista atu ba Brunei, tanba ne’e husu ba sira atu aguenta tan uitoan, tanba sistema iha Brunei sei la’o hela, tanba ne’e la’ós ko’alia ema ida rua de’it, maibé ema barak.

“Traballadór Sira ne’e sei ba servisu iha area hanesan Hospitalidade, Hotel, Restaurante, Konstrusaun, Agrikultura, depois area ba oli no gás ka mina”, nia hateten.

Lee Mós:
OXFAM Desimina Informasaun Sistema Seguransa Sosiál ba Trabalhadór Sira

Portantu posibilidade sira ne’e iha, maibé sistema ne’e depende ba ema kontratu na’in sira iha Brunei husu entaun Timor-Leste simu.

“Ha’u hein katak prosesu ne’e sei la’o di’ak, lalais fulan tuir mai aviaun bele mai foti Timoroan sira husi Timor ba Brunei”.

Kona-ba Timoroan sira ne’e liuhusi Ajénsia ou lae, Embaixadór Abel dehan, Ajénsia ho Governu hotu-hotu serbisu hamutuk, agora importante Timoroan sai ne’e nia tenke iha naran, iha ona serbisu mak nia sai, nia labele naran sai arbiru de’it, nia tenke treinu, sertifikadu, tanba ema ne’ebé ba serbisu ne’e tenke treinu tiha ona, ninia matenek ne’e iha tiha ona mak ema Brunei bele simu, se lae ema la simu.

Lee Mós:
MOKATIL Husu PR Horta Defende Povu Kbiit Laek Iha Área Rural

“Organizasaun ne’e halo asina akordu ona ho Sentru ETDA, Sentru Treinamentu Tibar, Bekora, Maliana, Sentru Canossa Baukau no sira seluk tan ne’ebé importante tanba sira iha ona koneksaun, agora ita hein sasán la’o, dezde prosesu sistema ne’e la’o loos hotu ona kapás. Estimasaun Brunei sira presiza 25 mill, maibé depende sira husu,” Embaixadór Abel hakotu.

 1,710 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Embaixadór Abel Guterres Lori Investor Hosi Nas…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: