DILI (timorpost.com) — Atu evita Governu labele halo manutensaun Ró ba estaleiru iha rai li’ur, Ekipa Enjeñaria hosi Universidade Nasionál Timor Lorosa’e (UNTL), deside hasoru malu ho Prezidente Repúblika, José Ramos Horta.
Portavós ba Enjeñaria UNTL, António Ximenes Pinto, hatete lori Enjeñaria UNTL nia naran hato’o sira-nia preokupasaun ba Prezidente Repúblika (PR), José Ramos Horta, kona-ba teknolojia oi-oin ne’ebé Timor-Leste presiza hadi’a liuliu Estaleiru iha rai li’ur ne’ebé ho volume boot.
“Ami mai iha ne’e atu aprezenta ami-nia aan nu’udar ema ne’ebé hasai ona kursu iha fatin-fatin ou área oi-oin, husi ne’e mak ami aprezenta aan no ko’alia kona-ba teknolojia oi-oin ne’ebé ita presiza iha Timor laran tomak,” nia dehan hafoin hasoru PR Horta iha Palásiu Prezidensiál, Bairru-Pité, Kuarta (09/11/).
Nia dehan, ho ida ne’e, Prezidente mós orienta sira atu prepara tanba iha fulan Marsu ou Abríl 2023, sei lansa semináriu ida ko’alia kona-ba teknolojia.
“Teknolojia saida mak dezenvolve iha Timor-Leste ne’e liuliu kona-ba Estaleiru Naval, tanba ita iha Ró barak husi polísia nian, Públiku Sivíl nian, maibé sempre ita halo manutensaun ba iha Rai li’ur ho gasta osan boot liu,” nia realsa.
Maski Timor ne’e iha ona rekursu ne’ebé sufisiente, tuir sira presiza de’it ekipamentu, Governu investe para nune’e bele halo ona serbisu sira ne’e.
“Resposta pozitivu ami sei hanoin atu halo planu kona-ba ida ne’e, tanba ne’e iha fulan Marsu ou Abríl ami sei halo hodi hatudu ba públiku no mós ita-nia parseiru sira,” nia afirma.
Nune’e ikus liu nia dehan, Prezidente Repúblika, sei fó hatene sira hodi fasilita sira kona-ba atu tama iha ASEAN.
2,721 total views, 3 views today
Bele hare Video Seluk :
Subscribe to Timorpost
