ADVERTISEMENT

PM Orienta SEKOMS Tau Atensaun Maka’as ba Debate OJE 2023

Mario da Costa - Ekonomia
Jornalista : Jaime Pires
Editor : Mário da Costa
  • Share
Mericio Juvinal dos Reis Akara, imajen TP/Jaime Pires.

DILI (timorpost.com) – Primeiru Ministru (PM), Taur Matan Ruak, orienta Sekretáriu Estadu Komunikasaun Sosiál (SEKOMS), hodi tau atensaun maka’as ba preparasaun debate Orsamentu Jerál Estadu (OJE) 2023, ne’ebé tuir planu sei debate iha loron 07 fulan Novembru tinan ne’e.

“Ha’u enkontru regulár ho Primeiru Ministru, hodi atualiza servisu Ministériu Asuntu Parlamentár no Komunikasaun Sosiál nian inklui mós ko’alia uitoan ligasaun kona-ba média sira nian,” dehan Sekretáriu Estadu Komunikasaun Sosiál, Mericio Juvinal Akara, iha Palásiu Governu, Segunda (24/10).

ADVERTISEMENT
SCROLL FILA BA NOTISIA


Lee Mós :
Xanana: Pasta PM Ladauk Bele Diskute

Nia aumenta, orientasaun Primeiru Ministru nian mak tau atensaun nafatin ba debate Orsamentu Jerál Estadu nian iha Parlamentu Nasionál, kona-ba ajenda debate, inklui preparasaun atu ba partispa iha debate.

“Nune’e kuandu iha tempu debate Deputadu sira fó perguntas karik ita preparadu atu responde sira-nia perguntas sira ho pertinente, seluk mak ita tenke mantein divulga informasaun sobre ita-nia governativa atu nune’e ita-nia povu akompaña saida mak Governu halo,” dehan nia.

Lee Mós :
Dalia: "Ha'u Nia Laen La'os Kriminozu"

Nia dehan, antes Governu ida ne’e ninia mandatu remata, Governu ida ne’e ninia dezempeñu no prestasaun servisu bele hetan apresiasaun di’ak husi sidadaun sira nian.

Tanba ne’e, nia dehan enkontru ohin hanesan enkontru semanál hanesan Ministru Asuntu Parlamentár no Komunikasaun Sosiál, mai atualiza Informasaun servisu ba Primeiru Ministru.

Lee Mós :
Prezidente Repúblika Promulga Ona OJE 2023

“Orientasaun ohin Primeiru Ministru fó mak SEKOMS sei hamutuk ho MAPKOMS hodi tau atensaun másimu ba preparasaun debate OJE 2023 nian, iha Parlamentu Nasionál fulan oin,” nia hakotu.

 2,366 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PM Orienta SEKOMS Tau Atensaun Maka’as ba…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No