Dili (timorpost.com) – Governu Japaun liuhusi United Nations Children’s Fund (UNICEF) iha Timor-Leste, kontinua fó apoiu ba Ministériu Edukasaun, Joventude Desportu (MEJD) no Ministériu Saúde (MS) ba iha programa suplementasaun iron folic Acid ba labarik feto Adolesente tinan 12 to’o 16.
“United Nations Children’s Fund (Unicef), kontente tebes bele kolabora hamutuk ho Ministériu Edukasaun no Ministériu Saúde hodi fó apoiu fundus no sensibilizasaun kona-ba programa suplementasaun iron Folin asid ba labarik feto adolesente husi tinan 12-16 iha nivel Nasionál”, Reprezentante Unicef iha Timor-Leste, Emmanuelle Collet, hateten bainhira partisipa programa sensibilizasaun iron ba labarik feto. Iha Salaun Kay Rala Xanana Gusmão, Ministériu Finansas, Kinta (29/09).
Nia dehan, ohin loron labarik feto ne’ebé tama ona idade 12-16 kategoria kresimentu ne’ebé lalais ba iha labarik feto sira ho nune’e Unicef suporta MEJD no MS suplementa programa ne’ebé ohin mensiona hodi suporta labarik sira.
“Ita hotu hatene katak iha idade ne’e kresimentu ne’ebé makas lalais ba iha labarik sira. Entuan ne’e duni importante tebes ita atu suplementa labarik sira ne’e ho suplementa ne’ebé suporta no bele ajuda sira iha sira-nia atividade lor-loron nian. No mós ita hatene katak husi parte Unicef nian rasik sei fornesimentu ba iha suplementa ne’e rasik hodi distribui ba iha Eskola sira”, nia dehan.
Ida ne’e hanesan mekanizmu ida hodi halo prevene Anomia, tanba labarik sintomas provoka hamosu isin kolen no laiha forsa, atu hala’o atividade. Entuan ida ne’e bele ajuda labarik adolesente sira ho ida ne’ebé mensiona sira nafatin ativu atu nune’e sira hala’o atividade loron-loron nian, ho saúde ne’ebé di’ak.
“Enkuantu Kona-ba kuantidade Sei halo tan Aprovisionamentu ne’ebé presiza Identifika Eskola hira no montante hira, depois maka define katak montante hira maka atu distribui ba iha eskola sira.
Maibé, hatene katak kada fulan labarik Feto adolesente tinan 12-16 presiza simu ai-moruk musan 7 iha durante hala’o Programa suplementasaun, maibé nia tarjetu total ne’e ami seidauk hetán númeru husi MEJD”, nia tenik.
Nia relata, hahú iha fulan Fevereiru tinan ida ne’e, Unicef hamutuk ho MEJD no MS implementa programa suplementasaun iron no programa ne’e rasik sei remata iha tinan 2024, durasaun tempu naruk buat ne’ebé di’ak tebes tanba dala-barak Projetu ne’ebé mai ho tempu badak, maibé sira seidauk atinje to’o benefisiáriu.
Entretantu Reprezentante Japaun iha Timor-Leste, Yamada Kazumi, afirma total orsamentu ne’ebé Japaun fó mai iha Governu Timor-Leste liuhusi Unicef besik milaun tolu, hodi implementa programa oioin iha TL.
“Nune’e husi milaun tolu ne’e aloka ba iha programa Nutrisaun, Programa nutrisaun ne’e distribuisaun Programa Suplementa ne’e hanesan parte ida husi programa total nutrisaun nian”, nia hakotu.
2,094 total views, 3 views today
Bele hare Video Seluk :
Subscribe to Timorpost
